Cɛɛŋɔnnda Yeremi lan 2:11 - BII BILA

¹¹ Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 2:11 Referans Kwoze

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

SƐBƐ YƆB-O 16:13

Kɔɔn ndɔn co fulaa nɛɛ-nɛɛ ka mí n va ya viɔw, o co ya niŋndo buuluuo a labɛɛla kpeekpei. O pɛl-la lólòó nin mó va ndu taaliaa lɛŋ.

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Condii lisai 6:7

I sanga nin a cɛɛŋɔnndan ndan. Icɔl oo icɔl, i co kpele nuu pɔɔliaa a caŋndo, i co kpele nuu liwviaa a mɛmɛan.

Luke 23:29

Kani palɛi pum co tiiya, mì la dimi aa: ‹Dɛnɛ kɛndɔɔ co le vanlaandua vilu hɔ́ɔ́ le-a. Dɛnɛ kɛndɔɔ co le vanlaandua cue foli má vialu le-a, a hɔ́ɔ̀ vɔɛi mɛɛma ndan te-a pɛɛn!›

Yeremi 44:7

Lelan diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Le yɛɛ niaa pila co yɛ dɛnɛ vɔɔn bɛndu vaa nuaa tosalanndo? La yeema mi vanpiaandua, vanlaandua, felengia a cɛlɛkpɛa o tàndá Yuda-o nin kpow cuu vu o lepilɔɔ? Vɛ̀ɛ̀ la yeema mi vana pilɛ bɛɛ lo yoomu o niaa tɛɛn te?

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Condii lisai 69:3

I co mɔɔvaa o loolio yingilaa nin, fonda kɛsiaa n'pelu le simndan bɛɛ co le. I co mɔɔvaa o mɛmma yingilan nin, tindian ma co kɔnndan a ya.

Condii lisai 31:9

A mel-la yaamɔɔ nuu o ba le, kɛ má cua ya isisi, mí sɔla hɔ́ɔ́yɛi.

1Samiɛl 30:4

O kon mí David nda vanaa va ndu kɔɔli-a lo caŋndo háá mí yoomuma caŋan ma cuu nda.

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!

SƐBƐ YƆB-O 30:27

Ninndo co ya kalaŋanndo tuŋ, palɛi dɛnɛ palai komal-la.

Condii lisai 38:8

Kɔɔ co ya nɛiyo maa lomnɔn, ɲɛ-ɲɛ co o kɛndɛ ya o n'dial te.

Condii lisai 119:82

I co sangaa tofaa le ciɛ́i n cua-e peeloo, i co ɲunanndo aa: «Lɔ́ɔ́ kuɛɛ n ɲɔɔlu yɛnin ya?»

Cɛɛŋɔnnda Yeremi lan 5:17

Ɲɛ tosa mí nàà kɔllo bii naa-o, ɲɛ tosa mí pundaa cal naa o lahɔl-lo,

Esai 51:20

Poaa nɔmnda vi diallon, a co ihini lɛ́ɛ́siɛn o nɛilan kpede dangalaa, maa kial haw o yaŋɔɔlen-ndo, kɔltuw Mɛlɛka-o co nda coo, Hala co nda kɔngɔlanndo a labɛɛla.

Cɛɛŋɔnnda Yeremi lan 1:11

Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›