Cɛɛŋɔnnda Yeremi lan 1:9 - BII BILA

⁹ Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Cɛɛŋɔnnda Yeremi lan 1:9 Referans Kwoze

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Esai 47:7

La va dimio aa: «Le fɛɛn a fɛɛn vanaa bɛndua naa n co ni!» La yiyan o sɔɛi ken coo le, la yiyan a mɛɛ dɛnɛ kon ndóò mɛɛlunin yɛ o kɔɔ le.

Cɛɛŋɔnnda Yeremi lan 1:17

Siɔn sanga balan sɛndio, o sɔla vana ɲɔlaa kɛ́-kɛ̀ le. Mɛlɛka cii vannda dimul le Yakɔb delɔɔ coo, o cii yaamɔaa ndɔa balu ndu-a dimul. Yerusalɛm siŋnun ɲɛ nɔɔlɛiyo nda tɛɛn.

Vana Kɔlkaloo 4:1

«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.

Condii lisai 25:18

Tofa vɔ mɛɛ dɛnɛ palaa a sangaa co ya coo yɛ, mal-la haki le hakila nilan kpow.

Sofoni 2:10

Kon tosalannin Moabua a Amɔnnda le yonga ndaa, kani a yeow yungu Mɛlɛka-Nɔ-Kpaayaa-Kpow-vo-o, má kialu lɛŋnde ndɔlen le lɛŋnde ndalen cɔɔloo.

Yeremi 48:26

Moabua cennun maa nda hiow Mɛlɛka ni, lelan la pimi nda mɔiyan mì ma bii nda, maa kuusuu, mà yɔliyɔlin o kuusuu ndaa nin, mì vannda mam nda!

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Condii lisai 119:153

Cɔ sanga co ya coo-o Mɛlɛka, mà baŋa ya, kani i co tɔŋ nɔmndo pɔɛɛnɔn te.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

Nsaŋ 11:19

Yuifia taw a va hunɔɔ o Marte a o Mari lo, le nda yilɔɔ biisi yema nda-o.

Osee 2:14

I tɛɛmbuunin nakɔla n'rɛsɛnnda ndɔlan a nakɔla n'voosula ndɔla o va dimio aa: ‹Sámáá nia ke ya lan ni› lan. I co lan siinguu bundɔɔ mì visia yondoa de lan.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Yeremi 16:7

Vana-vana venin le ɲɛdiaa piɔvanndo nda vanaa biisio del-la le nda ɲɔɔlu le. Vana-vana yɔngunin vɛlɛ vanaa fuɲa nda, te kon te kala nda vi-a taala kólaa le nda ɲɔɔlu le.

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 54:11

Kpòkóó kobio Yerusalɛm! Nɔm óò va o mɔnɛi nin, hoeiye ndíì koŋ nɔm kofokofo. Vana-vana ve le nɔm ɲɔɔloo le! Kɛ tofa vɔ, i co powta nɔmndan mingi cɔvɔɔ, mì ciiŋiaa lan a puulu lindaa yinɔɔ kɛndɔɔ. I kilanin cɔvaa nɔmnda o powta safirlan coo,

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Esai 37:29

Le tùú n tuulu kɔl a ya-o, le tùú n soo yongaa mí yonga nɔm kon tiiya ya o lani-o, i co nɔm kelɛi nii vow o milin, mì vow nɔm kalafoo o cɔcɔn tɛɛn, o kon i minginin nɔm a nɛi n kei coo ma hun-ndo.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Esai 37:17

Yandi Mɛlɛka yaŋ nilan mà tuei! Mɛlɛka kumbi hɔlta nɔmndan mà tofa! Tuei-yɔ sɔɔn Sennakerib sɔɔ vannda o sondo le hunɔɔ nɔm Hala yoomaa yeowlan a mun-ndon!

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Condii lisai 140:8

Éé Mɛlɛka! Nɔm Maalii nuu, Nɔm kpaaya co ya ciindiaa-o, a cɛw bolle nilen o cɔwvo bɛngu.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

2Masaa 14:26

Kani mí Mɛlɛka ca mɔnɛi Israɛlla va nin-nde a sanga bɛndu va nda kpow coo-o. Cɛ ve lɛ le, hɔ́ɔ́ ve lɛ le, vana-vana ve le nda malaa le.

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

Tɔŋ miingua 32:27

Ɲɛ ya kiisan le ken tosaa-o koni co ni, yɔŋii yaamɔɔa sɔla talen ma yei ya, yɔŋii vanaa nɔ nɛyɔn ndaa-a pɔɛɛnun mà dimi aa: ‹A kpaayaa naa naa n nɔla nda nuaa ni. O co Mɛlɛka le tosa kon kpow le.›

Tɔŋ miingua 26:7

Kɛ mɛɛ naa n koŋul o Mɛlɛka Hala fuɲaa naa mamaa lo, mó tuɛi somisominnda naalan, mó ca mɔnɛi naa n va nin-nde, mó ca sanga naa a bɛpɛla naa n va nin-ndo.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Condii lisai 69:21

Yeowla lan la co ya kɔllo bulio, i del a nàá le le ken. I co cumndo le ɲiiye sɔlaa tuinɔnndo, kɛ i co vana sɔla le. I co lehɔl o nɛi le vanaa ɲɔɔlaa sɔlaa, kɛ i co vana saalɔn te.

Esai 51:19

Sɔɔn miunndon mun tol nɔm coo: «Dɛnɛ tambɛiyo a piɔllo, yima fofolan a cɔwvo, kɛ nɛ̀ɛ́-nɛ̀ tuinun yɛnin nɔm iɲíí? Nɛ̀ɛ́-nɛ̀ ya co yɛ le nɔm ɲɔɔloo.

Cɛɛŋɔnnda Yeremi lan 5:1

«Éé Mɛlɛka! Loonun a dɛnɛ komal naa-o. Tofa vɔ, ma ce siɛmbula co naa coo lan.