Cɛɛŋɔnnda Yeremi lan 1:8 - BII BILA

⁸ Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Cɛɛŋɔnnda Yeremi lan 1:8 Referans Kwoze

Cɛɛŋɔnnda Yeremi lan 1:11

Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Esekiɛl 23:46

Kani nuaa Maalii, o co Mɛlɛka-o dimi ni aa: «A veelu sɛ́lɛ́ bɛndoo le nda kɔlan cɔlɔbaa, i minginin nda yulan-yulan a siòònde, mà poondiaa nda ɲɔɔn o laba.

Esekiɛl 23:29

A tosalnin nɔm sɔɔn a nɛyɔnndo, a poondiaanin tɔnɔ fula o sanga nɔmndo nin-ndo nɔm o ba, mà yunga nɔm, mà mɛi nɔm fondo fúú. O kon, vannda canin bɛɛtambɛi suunda nɔmndo, bɛɛtambɛi nɔɔlian nɔmndo a bɛɛtambɛi laasian nɔmndo.

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Yeremi 6:28

Nda kpow vanaa nila kalua nda co ni, vanaa muuluannda, a kendu nilan maa n'daɲa, maa n'cilin, nda kpow a laasian.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

1Masaa 9:9

Mà mulul nda aa: ‹Le tùú nda mulul Mɛlɛka Hala ndaa, o soli fuɲaa ndaa mamaa Esipte-o kɔɔ, má yiinun a halaa celennda, má baŋ vulan nda o labɛngunin le nda sooloo-o ndu Mɛlɛka tuisi nda dɛnɛ palaa bɛndoo ho coo ni.›»

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

O Kandɔɔ 3:7

O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.

Cɛɛŋɔnnda Yeremi lan 1:17

Siɔn sanga balan sɛndio, o sɔla vana ɲɔlaa kɛ́-kɛ̀ le. Mɛlɛka cii vannda dimul le Yakɔb delɔɔ coo, o cii yaamɔaa ndɔa balu ndu-a dimul. Yerusalɛm siŋnun ɲɛ nɔɔlɛiyo nda tɛɛn.

1Masaa 9:6

Kɛ te la mulul-la pɛ kɔɔ niaa cuavaa nɔmnda, te la kɛɛ pɛ le tɔŋnda ya yɔngu niaa lan biyɔɔ, te la mɛi ya pɛ mì la kɔ sooluu halaa celen, mì la baŋ vulan nda o labɛngunin,

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Esekiɛl 39:23

O kon, vanaa-mangalaa-isɔɔa sinanin maa hakilan cuavaa Isaɛlla tosa ni, lelan nda kɔɛ a nda o biyɔɔ nin ni. Le kɛɛ nda kɛɛ le lou o diomnden coo a ya-o ya bɛɛ faŋal nda hɔlaa nia ni. Mí mal nda yaamɔaa ndaa o ba, haliko ma cuu vu kpede o mɔɛi cɔwve bɛngu.