Cɛɛŋɔnnda Yeremi lan 1:7 - BII BILA

⁷ Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Cɛɛŋɔnnda Yeremi lan 1:7 Referans Kwoze

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Condii lisai 42:4

Idii a icɔl, i co mɛmɛan pumndo. Vannda co ya ɲuuniaa tuŋ aa: «Kuɛɛ nɛ Hala nɔmndo co yɛ?»

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Luke 15:17

O kon, mó kandu yiyanndo, mó dimin o kɔl nin aa: ‹Vanaa baalaa co fuɲa nuu o ba taw, a co ɲɛdiaa dioo, a co cii le, mì ya ya i va vuo a yiaan nanu nuaa!

Misee 4:11

Nihau, vanaa-mangalaa-isɔaa bɔɔ-bɔɔ a yiinan le niaa hinullo. À co dimio aa: ‹Màá kobi ndaa tambu labɛɛ! N tofan tambii Siɔn-nde kpendekele.›

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Cɛɛŋɔnnda Yeremi lan 4:17

Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Yeremi 37:7

«Diom Mɛlɛka Hala Israɛlla dimi-o co hoo ni aa: La kɔ dimul masaa Yuda, o vem niaa ya ɲunaa-o aa: Vanaa cɔvaa ndáà fula Esipte le niaa hunɔɔ cɔwvo malaa-a muungun o nda lo Esipte.

Condii lisai 77:3

Ɲin dɛnɛ palaa komal-la pɛ, i nuwviaa Maalii. Lɔan pii, i pɛngi balan heeloo o ndu lo le, I cɛl mì vana ɲɔɔlu ya le.

SƐBƐ YƆB-O 29:2

«Àá! Te yáà muungunin pɛ maa paandu, maa o telen Hala ndóò nɔ ya hɔlten coo-o!

Esai 64:11

Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?

Yeremi 48:27

Niaa Moabua, vɛ̀ɛ̀ o co niaa le va Israɛlla mamɔɔ le? Nduyɛ Israɛl tosa levui le. Le yɛɛ niaa va yɛ niko nda mamɔɔ mí la va bolle hiiloo?

Esai 64:10

Cɛi-Hala diandaa naa kɛndɛ-kɛndɔɔ, nɛɛ fuɲaa naa imamaa va nɔm lisaa-a ŋɔɛ o yinnden nin, ɲɛ-ɲɛ kɛndɛ sɔvɛ náà n nɔ lenin, kon kpede cuu itambu o yinnden nin.

Esekiɛl 25:3

Dimul nda aa la yaŋ-ndɔ nilan o sɔɛi Maalii-e, Mɛlɛka pɛɛn. Nuaa Maalii, o co Mɛlɛka-o dimi ni aa: ‹Le tùú niaa mam cɛi-kola-toandaa diandaa nuu lɔ́ɔ́ nda nɔɔliaa ndu-o, le tùú niaa mam lɛŋnde Israɛl-ten telen nda tɛɛmbuu len-ndo o, le tùú niaa mam cuawva Yuda telen nda va kɔlan a nda o biyɔɔ nin-ndo o,

Esekiɛl 25:6

Kani nuaa Maalii Hala dimi ni aa: «Le tùú niaa tɛm balan mì la kundu pelon lɛŋ-ndo, le tùú niaa dɔwnun ɲaale a nɛyɔn Israɛlla o lakɔl, mì la pɛɛsa nda-o,