Cɛɛŋɔnnda Yeremi lan 1:5 - BII BILA

⁵ Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Cɛɛŋɔnnda Yeremi lan 1:5 Referans Kwoze

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Yeremi 39:9

Mí Nebusaradan simlacinɔ kpalilaa cumulaa bii vanaa ndáà lo icali o kobio nin-nda, vanaa ndáà yɔngun masaa Babilɔn-nda a vanaa-vanaa ndáà caa baalala labalan. Mó kɔa a nda o biyɔɔ nin Babilɔn.

Cɛɛŋɔnnda Yeremi lan 3:46

Yaamɔa naa kpow a co sondolan kumbio le naa tiŋɔɔ.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Esai 63:18

Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.

Condii lisai 89:42

Vanaa hiavannda cii ɲɛm ndɔn poondiaa kpow, vanaa nda cal latulu-a co ndu mamɔɔ.

Condii lisai 80:6

Nɔm Hala, a co vanaa nɔmnda baloo dɔvɔɔ a mɔnɛi, a co nda hiwvo pimio a mɛmɛan.

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Esai 22:5

Kani paale dɛnɛ tambɛilen, paale bɛpɛlaalen a paale lasiɛmbu len le co hau ni. Maalii, Mɛlɛka-Nɔ-Kpaayaa-Kpow-vo tuisi paalen-nden o ból vana ca siɔdii lacio nin-ndo coo ni. Vannda co kpakilan koombiaa, yoondiaalan la co sɔɛi a kpengii n'pembue.

Yeremi 10:20

Cɛi-kola-toandaa nuu puusian, yoei ndɔɛi kpow i suingin. Cuavaa nia kpow a faŋan ya, a co lɛ le, vana co lɛ le ya cɛi-kola-toandaa nuu mingul-lo isisi le, le ya nɛɛ calaa tengullo le.»

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

2Masaa 21:15

Kani a kela kela kɛndɛ ya o hɔl te, a pɛngi ya kɔllo tɛɛmbuuo kandɔɔ telen ya soli fuɲaa ndaa mamaa Esipte-o háá paalen nden te.»

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.