Cɛɛŋɔnnda Yeremi lan 1:4 - BII BILA

⁴ Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Cɛɛŋɔnnda Yeremi lan 1:4 Referans Kwoze

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Cɛɛŋɔnnda Yeremi lan 5:13

A co langbaa powta lusulaalan siiluuo, poambɔa piaandua co boŋio o yɔmnde vilio.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Tɔŋ lasálàá 26:22

I cuunin visia biyaa o lɛŋnde niaalen nin, mì visia kan diw cuavaa niaa, mà diw cɔlua niaa, mà cii niaa háá mì nɛila niaalan la yimbu.

Cɛɛŋɔnnda Yeremi lan 5:14

Kaasoŋaa kɔlkalua co lɛ lakɔ o fonda dimia nsɔɔ le, felengia piaandua bɛɛ co lɛ n'condu soli le.

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.