Cɛɛŋɔnnda Yeremi lan 1:21 - BII BILA

²¹ Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Cɛɛŋɔnnda Yeremi lan 1:21 Referans Kwoze

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Cɛɛŋɔnnda Yeremi lan 2:15

Vanaa co hiovɔɔ-a kpow a co balan lɔɔ le tambii nɔmnde, a co huiyon hɔŋndo, mà va bolle hiŋndo le nɔm mamɔɔ le dɛnɛ yɔŋnun nɔm kobio Yerusalɛm-ndo, mà va ɲunanndo aa: ‹Vɛ̀ɛ̀ kobio ho ndáà veelu paandu ni aa: Naŋɔɔ bɛndoo a Kɔlkɛndɛ lelɛŋndo?›

Cɛɛŋɔnnda Yeremi lan 1:22

Màá nɔm pila cɔ vanavɔɔnyɛi ndɛi kpow! O kon mà tosal nda mɛɛ n tosal-la le tɛɛmbuula nilan kpow yɛ. Kani kuŋnda ya co lan la co sɛ́lɛ́, kɔl nuu co o sangaa nin.»

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Yeremi 50:11

A toɲa, la dɔwnun ɲaale, mì la va a kɔlkɛndɔɔ, niaa vanaa poondiaa vanaa niaa ɲɔɔn o laba-a. La huulu mɛɛ navaa téndéa huulu o bil puiyaa nin yɛ. Mì la soli diomndan maa soa kpaaya bɛndu!

Condii lisai 35:15

Kɛ dɛnɛ palaa tol pɛ ya coo, nda yiinan a dɔwnun ɲaale. A co yiinanndo le ya ciŋilanndo, a le ya lɔɔ, kɛ ya i co bɛɛ ndi sina le. A co ya sɔmndo a sondo tuŋ.

Cɛɛŋɔnnda Yeremi lan 1:4

Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Yeremi 51:24

I mingulnin Babilɔn-nda a vanaa co o lɛŋnde len nin-nda dɛnɛ vɔɔn kɛ́-kɛ̀ nda tosal Siɔn.» Sɔɛi fula ya Mɛlɛka o sondo-e co ken ni.

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Esekiɛl 26:2

«Po vanacieo sei, kobio Tir mam kobio Yerusalɛm, mó dimi aa: ‹O piɔsipiɔsi fɔ́! Dio luɛyaa vanaa-mangalaa-isɔɔa piɔsi vɔ́-vɔ́! O ya lo vannda co nin mulin hunɔɔ ni, ya i pianin cá, kɛ ndu ndu siŋnun ciee pɔmndo.›

Yeremi 51:49

Vanaa Babilɔnnda diw o ceendo coo kpede-a co sɛ́lɛ́. Lende koni Babilɔŋaa kalaa bɛɛ vunin le Israɛlaa nda diw-va ni.

Yeremi 50:31

Niaa ya bii tɛɛ ni, niaa Babilɔŋaa yongaa ha. Ya Maalii, Mɛlɛka-Nɔ-Kpaayaa-Kpow-vo dimi lende ni. Telen nɔmndo tiiya, telen ya can le mɔnɛ soli a nɔm-ndo pɛɛn!

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Yeremi 50:15

La yonda le cɔwvo ba-ba fee! O heelu balan le ndu pila yɔngɔnndo. Cɛila coocoola ndala cumulaalan la suingin, kpakila ndalan la koombiaa. Mɛlɛka co ndu maa mingullo ni, lelan la mingul Babilɔn maa, la tosal ndu ɲɛ ndu tosal caanda-o.

Yeremi 48:27

Niaa Moabua, vɛ̀ɛ̀ o co niaa le va Israɛlla mamɔɔ le? Nduyɛ Israɛl tosa levui le. Le yɛɛ niaa va yɛ niko nda mamɔɔ mí la va bolle hiiloo?

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

Condii lisai 38:16

Éé Mɛlɛka! Nɔm ya cal tiindan ni. Nɔm yɔngunin mulio ni, Maalii Hala nuu.

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

Esai 14:5

Mɛlɛka yem siomnde vanaa kɔlvesɛiya, o kili kɔlule vanaa co masalen tosaa-a.

Esai 14:6

Vana va vanaa súúla celen lɔɔ a kɔltuw bɛndoo o ve pɛngi loo, vana va vanaa-mangalaa-isɔɔa bɛpɛlaa a kɔlfulaa taw-vo pɛɛn, ndu bɛɛ, a tisa ndu kɔɔli a labɛɛla kpeekpei!

Cɛɛŋɔnnda Yeremi lan 2:16

Yaamɔaa nɔmnda kpow a co balɔɔ a nɔm o sondo, mà va huiyon hɔŋndo, mà va nɔm ciŋndon kumbillo a mamɔɔ aa: ‹N cii a ndu, hee naa n va kɔɔli ni, mɛɛ o co nuaa yɛ náà n yeema le ndu cɔu ni!›