Cɛɛŋɔnnda Yeremi lan 1:20 - BII BILA

²⁰ Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

Cɛɛŋɔnnda Yeremi lan 1:20 Referans Kwoze

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Esekiɛl 7:15

Cɔwvo vanin o nɛilan coo, nàà n'kɔnyaa a yima fofolan ma vanin o kobio nin! Vana vanin yondoo nin-ndo ndu vunin o mɔɛi cɔwve bɛngu, mì vana vanin o kobio nin-ndo ndu vi a yiaan a á nàà n'kɔnyaa.

Esai 16:11

Le hee, ɲɛm co ya nin-ndon co ɲiiyaa le lɛŋnde Moab len mɛɛ bangaa ɲiiya nuaa yɛ. Kɔl nuu co ɲiiyaa a mɔnɛi biyɔɔ le kobio Kir-Harɛs.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

SƐBƐ YƆB-O 30:27

Ninndo co ya kalaŋanndo tuŋ, palɛi dɛnɛ palai komal-la.

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Cɛɛŋɔnnda Yeremi lan 1:11

Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Yeremi 48:36

Lelan ya co koŋullo Moabua a vannda Kir-Herɛs coo ni, mì diomndo muungu ya maa diom lesɛ̀ŋ. Kani bolofaa ndaa cuungiaa-o kpow cuu itambu.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

Condii lisai 38:8

Kɔɔ co ya nɛiyo maa lomnɔn, ɲɛ-ɲɛ co o kɛndɛ ya o n'dial te.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!