Cɛɛŋɔnnda Yeremi lan 1:17 - BII BILA

¹⁷ Siɔn sanga balan sɛndio, o sɔla vana ɲɔlaa kɛ́-kɛ̀ le. Mɛlɛka cii vannda dimul le Yakɔb delɔɔ coo, o cii yaamɔaa ndɔa balu ndu-a dimul. Yerusalɛm siŋnun ɲɛ nɔɔlɛiyo nda tɛɛn.

Cɛɛŋɔnnda Yeremi lan 1:17 Referans Kwoze

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

2Masaa 25:1

O vɔsi Sedekia suili vɔsilan laŋɔmahiɔɔlu o masalen-ndo, o paale tɔ́ndɔlen coo o paangii diinndɔɛi nin, mí Nebukanɛsar masaa Babilɔn a vanaa ndɔa cɔwva kpow a hinul Yerusalɛm a cɔwvo, má kila dɔ́ɔ́ngɔ́ɔ̀ ciee-lekɔɔ, má yaŋ yaŋɔɔ cɔwvo o kobio balɔɔ sɔ́.

Osee 8:8

Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.

Esekiɛl 36:17

«Po vanacieo sei, telen cuavaa Israɛlla va icali o lɛŋnde ndale kpeekpeilen nin-ndo, má nɔɔliaa len a kela nda vɔɔndo, a dɛnnda ndala vɔɔnndan. Mí kela nda vɔɔndo va ya o hɔl maa nɔɔla vanalanɔ co paangii ndɔɛi cɔu-vo.

Cɛɛŋɔnnda Yeremi lan 4:15

Mí vannda deŋul nda aa: ‹La faŋan naa ikɛi! La nɔɔla bɔɔ. La faŋan naa ikɛi! La pilan naa le dɛ!› Telen nda co kon ɲaanɔn, mà va kɔlan ba-ba fee-o, vanaa-mangalaa-isɔɔa diminin aa: ‹Haa cel-lɛnin o naa lo le lɔ́ɔ́ levil te.›

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 16:6

Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

Yeremi 6:3

Vanaa mandaa n'cɔlua co kɔlan o ndu lo a kundala cɔlua ndaa, ma va cɛila-kolala-toandaala ndalan baŋɔɔ ndu coo, mì cɔlua vana-vana va diolan o bungɛi ndɔ nin, o balɔɔ kon sɔ́.

1Masaa 8:38

te vana pilɛ, te kon te Israɛlaa tɔ̀a kpow a solul pɛ nɔm diomndan o piɛilen nin le nɔm tɛɛlɔnndo, te vana-vana sina pɛ yɔŋ ndɔ vɔɔndo o kɔl ndɔɔ nin, mò muli hɔlla a ba Cɛiyo ho, mo heelu balan, mò piɛi nɔm,

1Masaa 8:22

O kon kɔɔli, mí Salomɔn sim o fonda-loamaa-lasálà Mɛlɛka-o hɔl-ndɔ Israɛlaa sɛ́lɛ́a va lon-nda kpow o hɔl, mó heelu balan, mó dimi aa:

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Yeremi 12:9

Vɛ̀ɛ̀ vanaa va le ya-a siŋnun yow kɛndɛ-kɛndɛ yovaa biyaa co hoo hinullo-o ni? ‹La kɔ mɔɔsiaa visia yondoa kpow, mì la hin a nda le ɲɛdiaa!›

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Vana Kɔlkaloo 4:1

«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.

Esai 54:11

Kpòkóó kobio Yerusalɛm! Nɔm óò va o mɔnɛi nin, hoeiye ndíì koŋ nɔm kofokofo. Vana-vana ve le nɔm ɲɔɔloo le! Kɛ tofa vɔ, i co powta nɔmndan mingi cɔvɔɔ, mì ciiŋiaa lan a puulu lindaa yinɔɔ kɛndɔɔ. I kilanin cɔvaa nɔmnda o powta safirlan coo,

Yeremi 15:5

Mí Mɛlɛka dimi aa: «Yerusalɛm, nɛ̀ɛ́-nɛ̀ tuinun yɛnin nɔm iɲíí, mò tosal nɔm dɛnɛ kɛndɔɔ? Nɛ̀ɛ́-nɛ̀ mulul-lɛnin nɔm hɔlla le i co nɔm coo-e sinaa?»