Cɛɛŋɔnnda Yeremi lan 1:14 - BII BILA

¹⁴ O nɔ hɔlten o hakila ya tosa lan coo. O cii lan yii nɛɛ pilɛ ndu o ba, mó handu ya lan o congú. La hel-la háá o labolo dí, Mɛlɛka cii ya yoomuan soli pó. O mal-la vanaa ya nɔla simullo le-a o ba.

Cɛɛŋɔnnda Yeremi lan 1:14 Referans Kwoze

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

Esekiɛl 25:7

i co ba nuu siɛndi mì soŋ niaa, mì mal niaa vanaa-mangalaa-isɔɔa o ba. I tɛɛmbuunin niaa, la ve lɛnin yungu le, i faŋanin niaa o lɛŋnden coo, mì tɛɛmbuu niaa kpow. La sinanin o kon maa ya co Mɛlɛka ni.»

Esekiɛl 25:4

lelan ya bɛɛ i co niaa hinul! I malnin niaa vanaa fula a ba paalen le can-ndo a o ba, mà hɛlu lɛŋnde niaalen. A kilanin dɔ́ɔ́ngɔ́la ndalan ma kunga lan o lɛŋnde niaalen nin, a kilanin calta ndalan o lɛŋnde niaalen coo. Nda dianin kɔmnde tɔlɔɔla niaalan ni, nda kolnin nɔnɔma niaan ni.

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Esekiɛl 23:28

Kani nuaa ya Maalii, ya co Mɛlɛka-o dimi ni aa: «Tofa vɔ, i co nɔm malɔɔ vanaa n nɔ nɛyɔn ndaa-a o ba, vanaa dɛnɛ ndaa fula nɔm iyeema-a pɛɛn!

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Esekiɛl 11:9

I solinin niaa o kobio ho nin, i malnin niaa mialla o ba, lende ya kilulnin niaa yamɛi nii ni.

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Yeremi 32:5

A kɔanin a Sedekia Babilɔn, lon o lonin ni háá mi cɛn le ndu vali tosa. Te la tɔɔndan pɛ le Babilɔnnda simullo, la tiwnin nda ba le. Sɔɛi fula Mɛlɛka o sondo-e co ken ni.

Yeremi 27:12

Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Esai 14:25

I pesipesinin Asirinɔɔ o lɛŋnde nilen nin. I nɛwnin ndu a labɛngu o pembun nun coo. I faŋanin yɔm lebol ndóò handu nda o lebol-lo, a tuisinin volɔɔla lusulaala ndɔlan nda o lacongú.

Yeremi 28:13

«Kɔ dimul Hanania aa: ‹Ɲɛ Mɛlɛka dimi-o co hoo ni aa: mɛɛ n yem yɔm lebol toosian a yɔmndo-o yɛ, a bɛnda ma mingi o icilin-ndo o fonda kon.›»

Yeremi 32:3

Sedekia masaa Yuda ndóò mal ndu o kaasoo ni, kani mó cɛɛŋun a vana-tɛɛngaa-diom Hala-o o kɔɔ aa o dimi o diola Mɛlɛka lan maa o co kobio ho malɔɔ masaa Babilɔn o ba, mò bii ndu.

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›