Cɛɛŋɔnnda Yeremi lan 1:11 - BII BILA

¹¹ Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›

Cɛɛŋɔnnda Yeremi lan 1:11 Referans Kwoze

Yeremi 52:6

Mí yima fofolan má toal vanaa va Yerusalɛm-nda coo, ɲɛdiaa kɛ́-kɛ̀ ve lɛ nda o ba le dioo le. O paangii hiɔɔlundɔɛi malɔ leŋɔmahiɔɔlu,

Yeremi 38:9

«Masaa, vana ni bɛndoo, dɛnɛ vɔɔndo vannda ha tosa le Yeremi vana-tɛɛngaa-diom Hala-o malɔɔ o soondo nin ni. O lonin ndon mò vi a yiaan, kani bulu co lɛ cieo coo le.»

Cɛɛŋɔnnda Yeremi lan 2:12

Cuaambɔa kan a co kalaa ndaa ɲunaa aa: ‹Kuɛɛ nɛ vana sɔ́là yɛ ɲɛdiaa?› A co delio o nɛila kobio coo maa vanaa voosɛi, mà va vuo kalaa ndaa o laba.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Yeremi 19:9

Yaamɔa ndaa hunnin mà tiila kobi ndaa le ndu delɔɔ coo. Dɛnɛ palaa bɛndoo toalnin vanaa vanin o kobi kalaa nin-nda coo háá mà de cuaa ndaa, mì nda pila sɔaman.

SƐBƐ YƆB-O 40:4

«Tofa vɔ, i co ɲɛ-ɲɛ le, vɛ̀ɛ̀ ya mulul-lɛnin nɔm? I handun-ndɔ baa o sondo mì meinun.

2Masaa 6:25

Mí yima fofolama bɛnduan ma luɛi o kobio Samari nin. Mí tiila nda tiila nda kon-ndo kiandu Samaria coo háá mí bolle sofɛlɔɔ le tiiya vɔngoo volin latámán belaŋɔmaa, mí poola kangboo ɲɛ-pɔmbɔ la tiiyaa báà volin latámán mún ŋuɛɛnu.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 5:1

«Éé Mɛlɛka! Loonun a dɛnɛ komal naa-o. Tofa vɔ, ma ce siɛmbula co naa coo lan.