Cɛɛŋɔnnda Yeremi lan 1:10 - BII BILA

¹⁰ Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Cɛɛŋɔnnda Yeremi lan 1:10 Referans Kwoze

Tɔŋ miingua 23:3

Vana co volɔɔ sámáá-o a polale ndɔlen háá o lambi tɔ́ndɔɔ a bɛnda mà luɛi o kunda Mɛlɛka-o nin te.

Yeremi 51:51

«Siɛmbulan pila o va le naa, telen naa n va nda tueyɔɔ naa yeowlan-ndo ni! O va bɔɔ siɛmbula bɛndu le naa telen mialla hin mà luɛi o fonda diandaa nin, o Cɛi-Hala-o nin-ndo.»

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Nehemi 13:1

«Telen pilɛ kon, lɔ́ɔ́ nda va sɛbɛ Moise-o dimio vannda kpede o hɔl vakpa-o, má tiiya o fondaa pum, o va o sɛvaa lon maa le fɛɛn a fɛɛn Amɔnnda nda Moabua bɛnda mà luɛi o kunda vanaa Hala-a nin te.

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

Esekiɛl 9:7

Mó dimul nda aa: «La nɔ́ɔ́liaa cɛiyo. La kɔ pei bɛ́ɛ̀la ndɔlan a vanvílɛ́iya malan niaa kɔa nɛɛ celen.» Má fula, má kɔ diw vannda o kobio nin.

Esekiɛl 7:22

I faŋalnin nda hɔlla telen vannda vanin bolofaa nuu nɔɔliaa-o, vanaa delaacooa luɛinin ndon mà nɔɔliaa ndu.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Yeremi 20:5

I tɛɛmbuunin bolofaa co Yerusalɛm-ndo kpow, ɲɛm nda sɔla o baala ndaa nin-ndon, ɲɛm ndan sɔvɛɔn kpow a bolofaa masaa Yuda kpede, mì yɔngu yaamɔaa ndaa ɲɛm mun kpow, mà cuungiaa mun, mà cua mun, mà kɔɛnnun a mun Babilɔn.

Yeremi 15:13

«Yuda, i cii ɲɛm nɔmndon a bolofaa nɔmndo malɔɔ vannda o ba. Sálà n bɛnda le sɔlaa le hakila n tosa lan-ndo co kon ni, la n tosa o lɛŋnde nɔmnden coo lan pɛɛn.

Esai 63:18

Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

2Dɛnnda lemasalan 36:18

Mí Nebukanɛsar cua ɲɛm baalan va o Cɛi-Hala-o nin-ndon kpow: n'bɛndon, n'pɔmbɔn, mó cua bolofaa va o Cɛi-Mɛlɛka-o nin-ndo, ó va masaa a vanaa ndɔa kúndàá o ba-o, mó kɔannun a ndu kpow Babilɔn.

Yeremi 27:19

Mɛlɛka-Nɔ-Kpaayaa-Kpow-vo nɔ ɲɛ pum le dimio a sungbuan o kɔɔ, dala mamɛnndo, kpɛɛnɛn mamɛŋun vana pimbul-lon, a le ɲɛm tɔ̀un lo o kobi kalaa nin-ndon.

Yeremi 27:21

Kani nuaa Mɛlɛka-Nɔ-Kpaayaa-Kpow-vo, Hala Israɛlla dimi le ɲɛm lo o Cɛi-Hala-o, o cɛi masaa Yuda-o a o kobio Yerusalɛm nin-ndon ni aa: