Kundalan 9:6 - BII BILA

⁶ Kɛ nduyɛ, vanaa va a nɔɔlɛiya Mɛlɛka o hɔl le vana vílɛ́iyo, te kon te le cɔlu vílɛ́iyo sɔɔnguuo ikɛi-ya a tiwba le kafo-hiavaa-coo tosaa ɲinkon te. Le hee, má kɔ komal Moise nda Aarɔn paale pilɛle len,

Kundalan 9:6 Referans Kwoze

Kundalan 27:2

Má hun o Moise, Eleasar a vanaa bɛndua Israɛlla lo nɛɛ nda va o cɛi-kola-toandaa-labɔɔŋianndo sondoo-a, ma dimi aa:

Fulaa 18:15

Mí Moise mulul ndu aa: «Kani vannda co hunɔɔ o ya lo le ɲɛ Hala tuu-o sinaa ni.

Kundalan 19:16

Te vanndo pilan pɛ vana vílɛ́i vanacieo dii-o, te kon te vana vi a ba ndɔ-o yondoo nin di-di, te kon te o boŋ pɛ o paala vanacieo, te kon te mò kei o sɛiyo coo, vana kon bɛnda mò lo o nɔɔlɛiyo háá le palɛi ndii ŋɔmmɛw.

Kundalan 19:11

«Vana-vana pilan pɛ vana vílɛ́iyo, mɛ̀ɛ́-mɛ̀ɛ́ o va, ndu siŋnun vana nɔɔlɛiyo ya Mɛlɛka o hɔl le palɛi ndii ŋɔmmɛw.

Kundalan 5:2

«Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Kundalan 19:18

Mì vana co o diandaa ya Mɛlɛka o hɔl-lo cua lɛvii bil hisɔp, mò yin ndi o mɛnndan nin, mò vesul man o cɛi-kola-toandaa vanacieo vi nin-ndo, ma vesul vɛlɛ man o ɲɛm-laandun va lenin-ndon a o vanndacieea va lenin-nda kpow coo. Mò tosa vɛlɛ lende a vana pilan paalan-ndo, vana pilan vanaciee vanndo dii-o, te kon te o vi a ba ndɔ-o, te kon te vana pilan sɛiyo-o.

Fulaa 18:26

Nda va nin yaman kiolɔɔ vannda tɛɛn a sɔɔn pɔm-pɔmbɔn bɛɛndiaa ni, sɔɔn kálà-kálàn koni ndáà vanin Moise cuuo ni.

Fulaa 18:19

Lelan sisa, yaŋ nilan mà bii sila ya co nɔm yɔngu-o. Màá Hala sɔɔnguu nɔm ikɛi! Nɔm nɔm, baala n nɔ le tosaa-o co le sɔɛi o Hala lo ma cɔm ndu balahavɛila vannda ha ni.

Kundalan 27:5

Mí Moise ke Mɛlɛka sɔɛi ken.

Kundalan 15:33

Mí vanaa saalun ndu-a hun a ndu o Moise, Aarɔn a o sɛ́lɔ́ɔ́ kpede lo.

Tɔŋ lasálàá 24:11

Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin.

Tɔŋ lasálàá 21:11

O bɛnda mò sɔɔnguu vana vílɛ́iyo ikɛi le. Hali fuɲa ndɔ, te kon te kala ndɔ vu bɛɛ, o bɛnda mò siŋnun vana nɔɔlɛiyo Mɛlɛka o hɔl le nda le.

Kundalan 9:7

má dimul Moise aa: «N co a nɔɔlɛiya Mɛlɛka o hɔl le sɔɔnguu naa n sɔɔnguu vana vílɛ́iyo ikɛi-yo. Le kɔlɔ yɛɛ n hin a sálà naa o Mɛlɛka lo o telen kelun-ndo naa Israɛlaa tɔ̀a le?»

Kundalan 19:14

Te vanndo vi pɛ o cɛi-kola-toandaa pum nin, tɔŋ niaa bɛnda le lou kɔɔli-o co hoo ni: vanaa luɛinin o cɛi-kola-toandaa kon nin-nda a vanaa va lenin mó vu-a kpow a bɛnda ma lo a nɔɔlɛiya Mɛlɛka o hɔl háá palɛi ndii ŋɔmmɛw.