Kundalan 9:16 - BII BILA

¹⁶ Mí ɲɔɔ va niko tosanndo lende lɔ́ɔ́-lɔ́ɔ̀, ipala kumnde va o Calta Mɛlɛka lan coo ni, icɔl niko, kumii ken ndíì siŋnun maa leyin.

Kundalan 9:16 Referans Kwoze

Nehemi 9:12

Nɔm Mɛlɛka, a va vanaa nɔmnda simndan laci ipala o tindile ikumnden nin, icɔl o tindile leyinnden nin le nɛi ndaa teengiaa.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

2Korɛntea 5:19

Kani Hala va o Krista nin, mó mingi diom pilɔɔ ndu a vanndacieea tɛɛn, o cɔm tɛɛmbuula ndalan te. Mó viam naa vali mingiaa diom pilɛ kon tosaa.

1Korɛntea 10:1

Puapilɛa nia, i yeema mì la pɔɛɛnun te maa fuɲaa naa mamaa kei o tindilen bɛngu, mí nda kpow taŋ mɛmma ihɛllan.

Condii lisai 105:39

Mí Mɛlɛka soli yumbuyumboo, mó kumbu ndu nda coo, mó soli vɛlɛ yinnden le nda ɲɔɔ teengiallo icɔl.

Condii lisai 78:14

A tindile ikumnden o va nda simndan laci ipala ni, icɔl-lɛ, a tindile leyinnden.

Nehemi 9:19

nɔm, a kaola nɔm nɔ lamɛɛlu loo, a mel nda o lɛŋnde veselɛilen nin te few! Tindile ikumnden le va nda vɛlɛ simndan laci, le va nda nɛiyo cɔmndo ipala, le faŋan nda ikɛi le, vundule leyinnden bɛɛ le va nda nɛiyo teengiaa laci icɔl o kɔlan.

Tɔŋ miingua 1:33

Nduyɛ, ndu va kɔlan niaa laci le niaa fondala niaa bɛnda le dɔ́ɔ́ngɔ́ɔ̀ kilaa lan nuwviallo ni. Icɔl, o va kɔlan niaa laci o tindile leyinnden nin le niaa nɛi niaa va kɔlan coo-o teengiallo, ipala o va kɔlan niaa laci o tindile ikumnden nin.

Fulaa 40:38

Kani Israɛlla kpow va kumnde cɔu ipala o Calta Mɛlɛka lan coo, yinnden le va fulaa o kumii ken nin icɔl. Háá má tiiya nɛɛ nda va kɔlan-nda, nɛɛ-nɛɛ ndáà kila pɛ dɔ́ɔ́ngɔ́ɔ̀, lende ɲɔɔ va tosanndo ni. Kon va cɔmndo ni maa Mɛlɛka co nda tɛɛn.

Fulaa 40:34

O kon mí kumnde kumbu cɛi-kola-toandaa-labɔɔŋianndo mɔku-mɔku, mí biilu Mɛlɛka-o pia o Calta Mɛlɛka la lan nin ca.