Kundalan 8:8 - BII BILA

⁸ Mà bii naw tova téndóó a sálà co le solio latulu a ndu-o, a dɛɛ nda vɔɔca o cuɛiyan nin-ndo, mì nɔm Moise bii naw tova diinndɔɔ le sálà co le hakio sɔlaa malɔɔ-o solio.

Kundalan 8:8 Referans Kwoze

Tɔŋ lasálàá 2:1

«Te vanndo va pɛ hunɔɔ o Mɛlɛka lo a ɲɛm vaan le ndu sálàá solullo, o bɛnda mò cua kpeyanndo, mò dɔw cuɛima olivean lecoo, mò handu vɛlɛ ansan lecoo.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Tɔŋ lasálàá 16:3

O va pɛ le luɛyɔɔ o Cɛi-Diandaa nin, ɲɛm o bɛnda mò luɛi o ba-on co mun ni: naw tovaa o pilɛ le sálà co le hakio sɔlaa malɔɔ-o solio a saa kóndóó o pilɛ le sálà loamaa solio.

Tɔŋ lasálàá 8:2

«Veelu Aarɔn nda poaa ndɔa, ma cua volɔɔla solia lasálàlan, cuɛima pɔlan, naw tova co le sálà co le hakio sɔlaa malɔɔ-o, saa kóndóa ŋiɔnda a kambɛi bulu toosian a lɛvɛn too co nin-ndo,

Tɔŋ lasálàá 4:14

lɔ́ɔ́ haki kon sinannin válán-ndo, nda kpow a bɛnda mà soli naw tovaa sálà le haki kon, mà kɔɛ a ndu o cɛi-kola-toandaa-labɔɔŋianndo sondoo.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Fulaa 29:3

A vow ɲɛm mun o kambɛiyo nin, a cɔm ya kambɛi kon a naw tova téndóó a saa kóndóa ŋiɔnda latulu.

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,