Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.
Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!
Lelan sisa, niaa poaa nia, la va vanaa sáálan isɔɔ le-a le. Kani niaa Mɛlɛka hɛli ni le ndu simndan o hɔl, le ndu baalaa tosallo, le kaannden simndan laci a le ndu sálàla cuɛima cun kɛndɛlan ndu lumndo.»
O kon, vana-solia-lasálà vanin sɔɔn mun toosiaa-o simi vana co dindinndo-o a ɲɛm o hin le sálàá solio-on kpow Mɛlɛka o hɔl, o cɛi-kola-toandaa-labɔɔŋianndo sondoo.
O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.
O calnin mɛɛ vana teengiaa volion le mun dindio-o cal-lɛ, mò dindi poaa Levii-a. O dindinin nda mɛ̀ɛ́-mɛ̀ɛ́ vana dindi sianion a volin humbon nuaa yɛ. O kon, mà va Mɛlɛka sálàlan solullo mɛɛ o kelun o tɔŋndo nin yɛ.
