Kundalan 8:2 - BII BILA

² «Soo o Aarɔn ndo ma dimul ndu aa: ‹Taa cii pɛ fitinala ŋɔmmɛwlan handɔɔ o fondala ndalan, a toosiaa lan kɛsi haliko mi la va ɲɛ-tengaa yɔngoo o ɲɛ kɛsiaa lafitinaa laci.›»

Kundalan 8:2 Referans Kwoze

Fulaa 25:37

Ma cɔw vɛlɛ fitinalan tan ŋɔmmɛw, ma kɛsi lan o hɛngɛila tɛsɛkɛɛla toosian le fitinalan kɛsio lecoo lan coo, haliko mi ɲɔɔ va o tengaa laci.

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 1:12

Mí mulin le diom va kon sɔɛi o ya lo-o sinaa. Yáà mulinndo, mí ca ɲɛla-kɛsiaa-lafitinala n'sianilan tan ŋɔmmɛw,

2Piɛr 1:19

Hiovɔɔ o kon coo, sɔɔn vanaa-tɛɛngaa-diom Hala-a n co naa o ba, n niaa nɔ dí le hɔlten handɔɔ coo mɛɛ vana handu fitina co biyɔɔ o ɲumndan nin-ndo hɔlten coo háá mi ɲɛ-tengaa paale siaa tenga, mì loei idii-e tenga o kɔlta niaalan nin yɛ.

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Matie 5:14

Ɲɛ-tengaa ceendo niaa co ni. Kobi co o pembei coo-o nɔla vionnɔnndo le.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

Condii lisai 119:105

Sɔɛi nɔmnde i co fitina sim ya laci o kɔlan-ndo ni, ndi co ɲɛ-tengaa o nɛi nuu coo ni.

Tɔŋ lasálàá 24:4

O ɲɛ kɛsiaa lafitina toosian a sianin diandan-ndo coo Aarɔn bɛnda ni mo kɛsi fitinalan, haliko mi la va lɔan biyɔɔ ya o hɔl lɔ́ɔ́-lɔ́ɔ̀.»

Fulaa 40:25

Mó bɛɛndiaa fitinalan kɛsi Mɛlɛka o hɔl mɛɛ ndu pila cɔm ndu le tosaa yɛ.

Fulaa 37:23

Mó cua sianin diandan, mó cɔaw vɛlɛ fitinalan laŋɔmmɛw, a kpaɲala ndɔlan a bombola kɔandaa lapulta ndɔlan a mun.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Kundalan 8:1

Mí Mɛlɛka soaa o Moise lo, mó dimul ndu aa:

Kundalan 8:3

Mí Aarɔn tosa lende. Mó hɛɛnduu fitinalan o ɲɛ kɛsiaa lafitinaa le ɲɔɔ vaa teengiaa o ɲɛ kɛsiaa lafitina kon laci mɛɛ Mɛlɛka dimul Moise le ndu tɛɛngullo yɛ kpafii.

Fulaa 39:37

ɲɛ kɛsiaa lafitina cɔwnun a sianin diandan-ndo, fitinala ndɔlan, ɲɛm ndɔn vallon kpow, cuɛiyan le vowvo o fitinala ndɔla lan nin,