Kundalan 8:12 - BII BILA

¹² Mì leviaa kan handu bala ndalan navaa tovaa ŋiɔŋaa kan o lebol, mì nɔm pila solul-la o pilɛ sálà co le hakio sɔlaa malɔɔ-o, ma soli o pilɔɔ sálà loamaa, haliko mi faleŋii baŋannde tosan le leviaa kan.

Kundalan 8:12 Referans Kwoze

Fulaa 29:10

Ma cua vɛlɛ naw tovaa, ma hin a ndu o cɛi-kola-toandaa-labɔɔŋianndo sondoo, mì Aarɔn nda poaa ndɔa handu cɔlu kon balan o lebol,

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

Tɔŋ lasálàá 8:14

O kon kɔɔli, mí Moise sɔɔnguu naw tova va le sálà co le hakio sɔlaa malɔɔ-o, mí Aarɔn nda poaa ndɔa handu balan naw tova kon o lebol.

Tɔŋ lasálàá 1:4

O handu baa cɔlu kon o lebol haliko mo cɛlnun, mì Mɛlɛka vɔɔsu yɔŋnda vɔɔnnda vana kon.

Kundalan 8:8

Mà bii naw tova téndóó a sálà co le solio latulu a ndu-o, a dɛɛ nda vɔɔca o cuɛiyan nin-ndo, mì nɔm Moise bii naw tova diinndɔɔ le sálà co le hakio sɔlaa malɔɔ-o solio.

Kundalan 6:16

Mì vana-solia-lasálàá cua cɔwviaala lan kpow, mò sɔɔnguu lan Mɛlɛka o hɔl, mò soli sálà co le hakio sɔlaa malɔɔ-o a sálà loamaa.

Kundalan 6:14

mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio.

Tɔŋ lasálàá 16:21

O kon, o handu bala ndɔlan cuin toovi kon o lebol, o sɔlɔlan hakila Israɛlla, nila kalula ndalan a tɛɛmbuula ndalan kpow, o vow lan cuin kon coo. O kon kɔɔli, vana hɛlin lelan-ndo kɔɛ a cuin kon, o tow ndu o lɛŋnde veselɛilen nin polon.

Tɔŋ lasálàá 16:11

O kon, Aarɔn kandu a naw tova co le sálàá le haki ndɔ ndu pilaa-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen. O kelu pɛ naw tova kon bololan,

Tɔŋ lasálàá 16:6

O kon, Aarɔn soli sálàá a naw tova co le hakio sɔlaa malɔɔ-o le haki ndɔ ndu pila-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen.

Tɔŋ lasálàá 14:22

O kon, o bii vɛlɛ piinda nda ŋiɔn a kangboa nda ŋiɔn, mɛɛ o nɔ seo yɛ. Yovaa kan, o pilɛ le sálà co le hakio sɔlaa malɔɔ-o solio, o pilɔɔ le sálà loamaa solio.

Tɔŋ lasálàá 9:7

O kon mí Moise dimul Aarɔn aa: «Sɔɔnguu o fonda-loamaa-lasálàá ikɛi, ma soli sálà co le hakio sɔlaa malɔɔ-o a sálà loamaa le nɔm pila, ma tosa falennde le hakila nɔmndan vɔɔsuuo, le nɔm pila a le Israɛlla kpow. Soli sálàá le nda kpow, ma tosa faleŋii baŋannde le nda mɛɛ Mɛlɛka dimi yɛ kpafii.»

Tɔŋ lasálàá 8:34

Dɛnɛ tosan hoo hau-vo, Mɛlɛka pila dimi le tosaa lende ni, haliko mi la sɔla hakio malɔɔ le hakila niaalan.

Tɔŋ lasálàá 8:18

O kon kɔɔli, mó hun a saa kóndó va le sálà loamaa solio-o, mí Aarɔn nda poaa ndɔa handu balan saa kóndó kon o lebol,

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 4:35

O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Tɔŋ lasálàá 4:4

O bɛnda mò hin a naw tova kon o cɛi-kola-toandaa-labɔɔŋianndo sondoo, mò handu ndu baa o lebol, mò kelu ndu bololan ya Mɛlɛka o hɔl.

Tɔŋ lasálàá 4:15

Mì kaasoŋaa kɔlkalua nda tɛɛn a handu balan naw tova kon o lebol Mɛlɛka o hɔl, mà kelu ndu bololan ndon.

Kundalan 8:13

Ma simi nda Aarɔn nda poaa ndɔa o hɔl, mì nɔm Moise pila tosa faleŋii vana tosa le Mɛlɛka ɲɔɔ cɔmndo-e le nda sɔɔ ya Mɛlɛka o ba.

Tɔŋ lasálàá 8:15

Mí Moise kialu ndu bololan, mó cua kooma ndɔan, mó vow suei lenin, mó suu o kpɛ̀ɛ́n fonda-loamaa-lasálàá, mó balu man suiyo pindo, mó cuiŋi matɔ̀an o fonda-loamaa-lasálà kon bɛngu, mó dindi ndu le baala Mɛlɛka-o, le faleŋun sálà co le hakio sɔlaa malɔɔ-on tosaa lecoo.