Kundalan 7:12 - BII BILA

^12-83 O kon, má hun o polalen, vana-vana a cuungiaa le polale ndɔlen: Paale taselen, mí Naasɔn, po Aminadab-o, fulaa o polale Yuda len nin hun, Paale diinndɔlen, Netaneɛl, po Suar-o, fulaa o polale Isakar len nin, Paale yàándɔlen, Eliab, po Helɔn-ndo, fulaa o polale Sabulɔn-nden nin, Paale hiɔɔlundɔlen, Elisur, po Sedeur-o, fulaa o polale Rubɛn-nden nin, Paale ŋuɛɛnundɔlen, Selumiɛl, po Surisadai-yo, fulaa o polale Simeɔn-nden nin, Paale ŋɔmpumndɔlen, Eliasaf, po Deuɛl-lo, fulaa o polale Kad len nin, Paale ŋɔmmɛwndɔlen, Elisama, po Amihud-o, fulaa o polale Efraim-nden nin, Paale ŋɔmaandɔlen, Kamliɛl, po Pedasur-o, fulaa o polale Manase len nin, Paale ŋɔmahiɔɔlundɔlen, Abidan, po Kideoni-o, fulaa o polale Bɛnyamɛn-nden nin, Paale tɔ́ndɔlen, Ahiesɛr, po Amisadai-yo, fulaa o polale Dan-nden nin, Paale tɔ́ a lepilɛndɔlen, Pakiɛl, po Okran-ndo, fulaa o polale Asɛr len nin, Paale tɔ́ a lediinndɔlen, Ahira, po Enan-ndo, fulaa o polale Nɛftali len nin. Mí vana-vana hun a ɲɔɔn mun: Sɛti bɛndu cɔwnun a volin humbon-ndo o pilɛ, lusul ndɔɔ va kiloo pilɛ a kalamulan kɛmɛ leyáá a kpángà cɔwnun a volin humbon-ndo o pilɛ, lusul ndɔɔ va kalamulan kɛmɛ leŋɔmmɛw, a ɲɛ tuvaa va o Cɛi-Diandaa nin-ndo nda tuu lan ni. Tan tiɔn kpow la va lapiaalan a dɛɛ nda vɔɔca o cuɛiyan nin le sálà ɲɛm vàá solio-o. Má yɔngu taala kólaa n'sianio o pilɛ, lusoo kalamulan kɛmɛ, a ansan o piaa lenin ca. Má hun vɛlɛ a naw tova téndóó, saa kóndóó a saa téndé nɔ vɔsio pilɛ-o le sálà loamaa solio, cuin toovio le sálà co le hakio sɔlaa malɔɔ-o, navaa tovaa nda ŋiɔn, saa kóndóa nda ŋuɛɛnu, cuinaa toovia nda ŋuɛɛnu a saa téndéa vɔsi pilɛ-a nda ŋuɛɛnu le sálà kɔlɲuloo solio.

Kundalan 7:12 Referans Kwoze

Luke 3:32

po Yisai-yo, Yisai po Obɛd-o, Obɛd po Bus-o, Bus po Sala-o, Sala po Naasɔn-ndo, Naasɔn

Matie 1:4

Aram yɔŋnun fuɲaa Aminadab ni, mí Aminadab vialu Nasɔn, mí Nasɔn vialu Salmɔn.

Ruti 4:20

mí Aminadab vialu Naasɔn, mí Naasɔn vialu Salma,

Kundalan 10:14

Polale Yuda len fɔlɔn le cɛn kɔlan a lɛfɛ ndaa ni a kundala va polale len kɔɔli lan. Kundala lan la yɔŋnun ndan ni: kundala Yuda lan, simlacinɔ ndaa va Naasɔn, po Aminadab-o ni,

Kundalan 2:3

Mì polale Yuda len le cal o fonda ndaa nin, o lɛfɛ landaa ndaa bɛngu a ba paalen le can-ndo. Mà cal mɛɛ kundala ndala cɔwlan la co yɛ. Vana co bolle pangale ndalen-ndo co Naasɔn, po Aminadab-o ni.

Kundalan 1:7

o polale Yuda len coo, Naasɔn, po Aminadab-o,

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 49:8

Nɔm Yuda yɛ, nɔm puapilɛa nɔmnda candunin ni. A nangunin yaamɔaa nɔmnda mundulan a yoomuma nɔmndan. Poaa fuɲa nɔm-nda baŋnin vulan nɔm o labɛngunin.

Kundalan 7:11

O kon, mí Mɛlɛka dimul Moise aa: «Vanaa co simlacia o polama Israɛlla coo-a bɛnda mà hin à pilɛn-pilɛnnda. O paalen lepilɛ nin, vana pilɛ bɛnda le hunɔɔ ni. Lende nda bɛnda ni mà hin a ɲɛm-kéan ndan le fonda-loamaa-lasálàá kumbio.»

O Kandɔɔ 35:22

Tuma o va icali o tàndà kon nin-ndo, mí Rubɛn po ndɔ suunda a buɛi laandu Rasɛl-lo, Bilha pɛɛn, ó va nin hinilan fuɲa ndɔ kɔɔli-o. Mí Israɛl fuɲa ndɔ tuɛi sɔɛi ken. Yakɔb ndóò velu poaa tɔ́ a à ŋiɔn.

O Kandɔɔ 35:23

Poaa Lea-a yɔŋnun haa ni: po tase Yakɔb-o yɔŋnun Rubɛn ni, a tɔ̀a va Simeɔn, Levii, Yuda, Isakar a Sabulɔn ni.

Kundalan 1:5

Vanaa vanin kan niaa ikɛi-ya vanin haa ni: o polale Rubɛn-nden coo, Elisur, po Sedeur-o,