Kundalan 7:10 - BII BILA

¹⁰ Paale nda va fonda-loamaa-lasálàá kumbio len, mí vanaa va kan simlacia o polama Israɛlla coo-a hun a cuungiaala ndalan Mɛlɛka o hɔl.

Kundalan 7:10 Referans Kwoze

2Dɛnnda lemasalan 7:9

O paale ŋɔmaandɔlen coo, má tosa bɔŋan bɛndu-bɛndoo, kani palɛi ndii ŋɔmmɛw yɛngɛsɛɛ a va o kafo kumbiaa fonda-loamaa-lasálàá coo. Má mulin, má tosa niko kafo kpeekpeiyo palɛi ndii ŋɔmmɛw.

Nehemi 12:27

«Mɛɛ nda cii kpakio Yerusalɛm cɔvɔɔ, má veelu leviia kpow fulaa o fondala yɛ́-yɛ́la nda va icali lan le hunɔɔ kafo bɛndoo tosaa Yerusalɛm le kpakio kumbio a ɲaale bɛndoo, a condun biilan a kɛŋun comulan, a bangalan a á bɔ̀mbillon.

2Dɛnnda lemasalan 7:5

Mí Salomɔn soli sálàá a nawva vaalan bidiin a latiɔn a saa vaalan kɛmɛ a bidiin. Mí masaa nda vannda kpow a tosa faleŋii kumbiaa Cɛi-Hala-o.

1Masaa 8:63

Mì Salomɔn dii nawva vaalan bidiin a latiɔn, mó dii saa a cuinnda vaalan kɛmɛ a bidiin le Mɛlɛka sálà kɔlɲuloo solullo. O kon mí ndu masaa nda Israɛlla kpow a tosa kafoo, má sɔaa Cɛiyo Mɛlɛka o ba.

Tɔŋ miingua 20:5

O kon kɔɔli, vanaa bɛndua soaanin o vanaa cɔwva lo, mà ɲuna nda aa: ‹Nɛ̀ɛ́-nɛ̀ co yɛ niaa tɛɛn nanu, ó cii cɛiyo tangul sɛnɛi kɛ o luei-yɔ lenin too? Vana kon muungu o ndu lo, yɔŋii o vu o cɔwvo mì vana celen koma kandu luɛyɔɔ lenin.

Condii lisai 30:1

Condii David soli o kafo-kumbia Cɛi-Hala-o coo-e

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

Kundalan 7:1

Paale Moise cii Calta Mɛlɛka lan tondɔɔ len, mó pɔla lan, mó tala cuɛiyan lecoo a o ɲɛm ndɔn vallon coo, mó tala vɛlɛ cuɛiyan o fonda-loamaa-lasálàá coo a o ɲɛm ndɔn vallon coo le lan kpow sɔɔ Mɛlɛka o ba.

Kundalan 7:11

O kon, mí Mɛlɛka dimul Moise aa: «Vanaa co simlacia o polama Israɛlla coo-a bɛnda mà hin à pilɛn-pilɛnnda. O paalen lepilɛ nin, vana pilɛ bɛnda le hunɔɔ ni. Lende nda bɛnda ni mà hin a ɲɛm-kéan ndan le fonda-loamaa-lasálàá kumbio.»

Kundalan 7:84

Kpow-kpow, má yɔngu sɛtila bɛndula cɔwnun a volin humbon-ndan tɔ́ a latiɔn, hɛngɛila cɔwnun a volin humbon-ndan tɔ́ a latiɔn vɛlɛ, a taalala kólaala cɔwnun a sianion-ndan tɔ́ a latiɔn.

Kundalan 7:88

Le sálà kɔlɲuloo, má yɔngu kpow-kpow navaa tovaa tɔ́ a à ŋiɔn, saa kóndóa belaŋɔmpum, cuinaa toovia belaŋɔmpum a saa téndéa nɔ vɔsio pilɛ-a belaŋɔmpum. Mɛɛ nda cii fonda-loamaa-lasálàá pɔla, cuungiaala yɔngun le ndu kumbio lan la yɔŋnun ndan ni.