Kundalan 7:1 - BII BILA

¹ Paale Moise cii Calta Mɛlɛka lan tondɔɔ len, mó pɔla lan, mó tala cuɛiyan lecoo a o ɲɛm ndɔn vallon coo, mó tala vɛlɛ cuɛiyan o fonda-loamaa-lasálàá coo a o ɲɛm ndɔn vallon coo le lan kpow sɔɔ Mɛlɛka o ba.

Kundalan 7:1 Referans Kwoze

Kundalan 7:84

Kpow-kpow, má yɔngu sɛtila bɛndula cɔwnun a volin humbon-ndan tɔ́ a latiɔn, hɛngɛila cɔwnun a volin humbon-ndan tɔ́ a latiɔn vɛlɛ, a taalala kólaala cɔwnun a sianion-ndan tɔ́ a latiɔn.

Matie 23:19

Niaa vanaa sumɛiya ha, sálàá a fonda-loamaa-lasálà co sálàá dindi-o, yɛɛ hiow yɛ?

1Masaa 8:64

Paale len, mí masaa sɔaa bɛ́ɛ̀ va o Cɛi-Mɛlɛka-o sondoo-o Mɛlɛka o ba, kani o bɛ́ɛ̀ lon ndóò soli sálàla loamaalan ni, mó loam kpeyan sálàá a cuɛima cɔlua sálà kɔlɲulua. Bau fonda-loamaa-lasálà n'daɲa va o Cɛi-Mɛlɛka-o hɔl-ndɔ-o ndóò dɔɔnan taw, sálàla loamaalan, sálàla kpeyanndan a cuɛima cɔluma va le sálàla kɔlɲululan solio-an maa sul o fonda kon te.

Kundalan 7:88

Le sálà kɔlɲuloo, má yɔngu kpow-kpow navaa tovaa tɔ́ a à ŋiɔn, saa kóndóa belaŋɔmpum, cuinaa toovia belaŋɔmpum a saa téndéa nɔ vɔsio pilɛ-a belaŋɔmpum. Mɛɛ nda cii fonda-loamaa-lasálàá pɔla, cuungiaala yɔngun le ndu kumbio lan la yɔŋnun ndan ni.

Fulaa 13:2

«Poaa tasea a cɔlua piaandua tasea Israɛlla kpow, á bɛnda ma kɛsi nda a diandaa le ya Mɛlɛka. Kani po tase oo po tase vanalanɔɔ velu pɛ, cɔlu piaandu tase oo cɔlu piaandu tase cɔloo kom pɛ, le ya Mɛlɛka kan co ni.»

O Kandɔɔ 2:3

Mó dɔaw paale ŋɔmmɛwndɔle len duaa, mó siinguu len paale pɛngiaalen, kani ɲinkon o pɛngi a baala ndɔ cɔavaa ni.

Kundalan 7:10

Paale nda va fonda-loamaa-lasálàá kumbio len, mí vanaa va kan simlacia o polama Israɛlla coo-a hun a cuungiaala ndalan Mɛlɛka o hɔl.

Fulaa 29:36

Lepalaa-lepala, a bɛnda ma soli sálàá le hakio sɔlaa malɔɔ a naw tovaa o pilɛ, ma dindi fonda-loamaa-lasálàá a faleŋun baŋan n vànin tosaa lecoo-on, ma pɔla ndu le ndu dindio le vali Mɛlɛka-o.

Fulaa 40:11

Ma pɔla fɛngɛ bɛndu mamɛnndo a fonda o kɛsi tumndo nin-ndo, ma dindi ndu Mɛlɛka o hɔl.

Kundalan 17:2

«Soo o Eleasar, po Aarɔn vana-solia-lasálàá lo, ma dimul ndu mò soli bonyun fuusan o yinnden nin, mò kɔ hulu dɛngultan lándán, kani n siŋnun teengen le vali Mɛlɛka-o.