Kundalan 6:3 - BII BILA

³ Ndu bɛnda lɛ mo kol mɔiyan a ɲɛm vana kol mì n hiŋ vana hɔlla-on te. O bɛnda mò kol mɔima vaalɛiyan te, o kol vɛlɛ ɲɛ-ɲɛ vana kol mo bii vana le. O bɛnda mò kol mɛmma n'rɛsɛnndan te, o dia vɛlɛ rɛsɛŋun koaman te, o va n'kiyɛi o va n'vesɛi.

Kundalan 6:3 Referans Kwoze

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

1Timote 5:23

Kol lɛ mɛnndan daama le, kɛ kol mɔiyan ɲɛ-pɔmbɔ le dembe co nɔm nɛiyo-o a le nààla co nɔm palaa lɔ́ɔ́-lɔ́ɔ̀ lan.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Amɔs 2:12

Kɛ mí la koesi vanaa solin kan nda pila sálà-a mɔiyan, mí la kuuna vanaa-tɛɛngaa-diom Hala-a kan le diom Hala-o tɛɛnguuo.

Masaa kialaa n'yamaa 13:14

O dia ɲɛ-ɲɛ fula o rɛsɛnndo nin te, ò kol manɔi le, ò kol ɲɛ-ɲɛ bii vana, mò hiŋ vana hɔlla le, o dia ɲɛ-ɲɛ co o nɔɔlɛi le. O bɛnda mò bii sɔɔn ya dimul ndu-on ɲɛkɛndɛi.»

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

1Tesalonikea 5:22

La mandán le dɛnnda vɔɔnndan kpow.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Kundalan 6:4

Háá mì telen ndu pila kelu le sálàá solinndo-o cuu, o bɛnda mò de ɲɛ-ɲɛ toosian a rɛsɛnndon te, o va a kullon nda toosiaa ɲɛ kon ni, o va a kɔloo ni, o bɛnda mò de ndu le.

Masaa kialaa n'yamaa 13:4

Kandɔɔ sisa, mandan taw, kol mamɔi le, kol ɲɛ-ɲɛ bii vana mò hiŋ vana hɔlla le, dia vɛlɛ ɲɛ-ɲɛ co o nɔɔlɛi le,

Amɔs 2:11

I hɛli poaa niaa a pum le siŋnɔnndo vanaa-tɛɛngaa-diom Hala-a, mí hɛli poaa langbaa niaa a pum le nda pila sálàá solinndo le vali nuu tosaa. Niaa Israɛlla, vɛ̀ɛ̀ o co lende le i yɔŋnun te? Ya Mɛlɛka co niaa ɲunaa nuaa ni.