Kundalan 6:2 - BII BILA

² «Soo o Israɛlla lo ma dimul nda aa: ‹Te vanapɔnɔɔ, te kon te vanalanɔɔ solin pɛ ndu pila sálà mò siŋnun teengen le Mɛlɛka, mò cua ciɛ́ɔn le ndu pila sálàá solinndo le Mɛlɛka.

Kundalan 6:2 Referans Kwoze

Masaa kialaa n'yamaa 13:5

le foli n co hunɔɔ cua-o, a le po nɔm n co hunɔɔ violɔɔ-o. Yiiŋii po kalaa bɛnda mì i kelun te, kani hɔ́ɔ́ kon siŋnunnin teengen le Hala lɔ́ɔ́ pá mó hun violun. Ndu kandunin Israɛlla baŋaa Filistia o ba ni.»

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Kalatea 1:15

Kɛ telen ɲɔɔ hɛnan vana hɛli ya lɔ́ɔ́ yáà vilun ndɔ loo-o, mó veelu ya a kɛndɛi ndɔɛi,

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

Masaa kialaa n'yamaa 16:17

mó kumbil Dalila kɔllo kpow, mó dimul ndu aa: «Kabi bɛɛ yiiŋii nii kilun-ndɔ le, kani yáà vilun-ndɔ le, mí siŋnun teengen le Hala. Te vana kili ya pɛ yiinde, i fula mayoomu, i muungu maa vanndacieaa tɔ̀a.»

Tɔŋ lasálàá 27:2

«Soo o Israɛlla lo, ma dimul nda aa: ‹Te vanndo yeema pɛ le ciɛ́ɔn o cua-on peeloo, o bɛnda mò sala volion mɛɛ vɔngu vanndacieaa yoomaa solin sálà o Mɛlɛka lo-a co yɛ.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

Dɛnnda kiilaa 18:18

Mí Pol tosa telen vilɛi Korɛnte ciee. O kon kɔɔli, mó faŋan vanaa laalannda, mó luɛi o dɛ̀ndɔ̀ɔ́ nin, mó kɔa Siri nda Priska a Akilas. Lɔ́ɔ́ pá mó kɔa, mó sendin, kani ciɛi ndóò cua ni.

Kundalan 6:1

Mí Mɛlɛka soaa o Moise lo, mó dimul ndu aa:

Masaa kialaa n'yamaa 13:4

Kandɔɔ sisa, mandan taw, kol mamɔi le, kol ɲɛ-ɲɛ bii vana mò hiŋ vana hɔlla le, dia vɛlɛ ɲɛ-ɲɛ co o nɔɔlɛi le,

Yeremi 35:6

Kɛ má muli aa: «Naa n kol mamɔi le, kani fuɲa naa mamaa Yonadab, po Rekab-o hendul naa tɔŋndo ni aa: ‹La kol mɔiyan lɔ́ɔ́-lɔ́ɔ̀ le, o va niaa pila, o va cuavaa niaa.

Kundalan 30:3

Te vanndo baa pɛ yoolen o Mɛlɛka lo, te kon te, te vanndo cua pɛ ciɛ́i a mɛnanndo, o bɛnda mò kɛɛ sɔɛi fula ndu o sondo-e peelu le. O bɛnda mò tosa mɛɛ o dimi yɛ.

Masaa kialaa n'yamaa 13:14

O dia ɲɛ-ɲɛ fula o rɛsɛnndo nin te, ò kol manɔi le, ò kol ɲɛ-ɲɛ bii vana, mò hiŋ vana hɔlla le, o dia ɲɛ-ɲɛ co o nɔɔlɛi le. O bɛnda mò bii sɔɔn ya dimul ndu-on ɲɛkɛndɛi.»