Kundalan 5:9 - BII BILA

⁹ Ɲɛ-ɲɛ Israɛlla faŋa pɛ o ɲɛm diandan nda yɔ̀ngù vana-solia-lasálàá le sálàá solio-on coo, le vana-solia-lasálà kon ɲɛ kon co ni.

Kundalan 5:9 Referans Kwoze

Kundalan 18:19

Ɲɛm diandan Israɛlla faŋa le ya Mɛlɛka o sálàla ɲɛm-vaala ndalan coo-on, nɔm Aarɔn, poaa nɔmnda a cuavaa nɔmaa laandua ya yɔngu mun ni. Tɔŋ vana fáŋà lecoo loo co kon ni. Kpema vana nɔla tɛɛmbuu ma faŋa ndu o fonda ndɔɔ loo co kon ni, o ya Mɛlɛka handu ba coo le dɛnɛ kɛndɛ nɔmndo a dɛnɛ kɛndɛ cuavaa nɔmaa imamaa-o.»

Fulaa 29:28

Le Aarɔn nda poaa ndɔa ɲɛm mun co ni. Tɔŋndo co kon le fɛɛn a fɛɛn Israɛlla tɛɛn ni. Kani cɔwviaalan la co lán ni, nduyɛ cɔwviaala lan Israɛlla bɛnda ni ma va Mɛlɛka yɔngoo o sálàla ndala kɔlɲulula nda vanin solio lan coo.

Tɔŋ lasálàá 10:13

La bɛnda mì la de ndu nɛɛ diandaa. Ɲɛ niaa bɛnda le sɔlaa niaa cuavaa nɔmnda o ɲɛm fula o ɲɛm vaan nin le sálàá solio, mò ŋɔɛ o yinnden nin le Mɛlɛka-o co kon ni. Kani lende Mɛlɛka dimul-la ni.

Tɔŋ lasálàá 7:32

O cɔlua niaa yɔngù le sálà kɔlɲuloo solio-a nin, la bɛnda mì la faŋa lɔlu ba kɛndɔɔ, mì la yɔngu vana-solia-lasálàá ndu.

Tɔŋ lasálàá 7:34

Kani kɔŋɔ co kon le faleŋii heelaa ɲɔɔ Mɛlɛka o hɔl-lo-e a lɔlu ba kɛndɛ nda faŋa kon-ndo, i faŋa ɲɛm mun o cɔlua Israɛlla yɔngu le sálà kɔlɲuloo solio-a coo, mí yɔngu Aarɔn nda poaa ndɔa mun. Le nda ɲɛm mun vanin le fɛɛn a fɛɛn ni. La bɛnda mì la tuei silaa ho.

Tɔŋ lasálàá 10:14

Nɔm pila, poaa nɔmnda a cuavaa nɔmaa laandua, la bɛnda mì la de kɔŋɔ cɔlu sálà nda heelu coo Mɛlɛka o hɔl-lo a lɔlu solin-ndo nɛɛ diandaa pum, kani falun mun yɔngun niaa ni. Niaa poaa nɔmnda falun mun yɔngun o sálàla kɔlɲulula Israɛlla solinin-ndan kpow nin ni.

Tɔŋ lasálàá 10:15

Israɛlla hunnin a visin macuɛin ŋɔanin o yinnden nin o fonda-loamaa-lasálàá coo-on, mà hin vɛlɛ a lɔlu solinnin-ndo, a kɔŋɔ nda solinin mà heelu ndu coo Mɛlɛka o hɔl, mà tosa falennde le ndu ndu cɔmndo-o. Falun mun co le nɔm a le poaa nɔmnda. Sɔɛi kelun le fɛɛn a fɛɛn-nde co ken ni, lende Mɛlɛka dimi ni.»

Kundalan 5:8

Te o va pɛ maa vana o dil kon ɲɔɔ-o vi nin, kɛ o mɛi vana le kɛ́ ndɔɔ cuaa le, mɛɛ ɲɛ kon kpow bɛnda mò va le Mɛlɛka, kon co dimio ni maa le vana-solia-lasálàá, mò handu saa kóndóó lecoo le sálà co le hakio sɔlaa malɔɔ-o solio. A saa kóndó kon vana-solia-lasálàá tosanin faleŋii baŋannde ni haliko mi vana tɛɛmbuu kon tɔŋndo-o sɔla hakio malɔɔ.

Kundalan 31:41

Mí Moise cua ɲɛ-ɲɛ yɔngun le Mɛlɛka, mó sɔaa Eleasar vana-solia-lasálàá o ba maa mɛɛ Mɛlɛka dimul ndu yɛ.

Tɔŋ miingua 12:26

Kɛ la bɛnda mì la cua cɔlua niaa tuu le sálàá solio-a, a co cɔlua niaa kpeekpeiya-a, a cɔlua niaa baa yoolen o Mɛlɛka lo le ndu yɔngoo-a, mì la hin a nda o fonda Mɛlɛka hɛlinin-ndo.