Kundalan 5:8 - BII BILA

⁸ Te o va pɛ maa vana o dil kon ɲɔɔ-o vi nin, kɛ o mɛi vana le kɛ́ ndɔɔ cuaa le, mɛɛ ɲɛ kon kpow bɛnda mò va le Mɛlɛka, kon co dimio ni maa le vana-solia-lasálàá, mò handu saa kóndóó lecoo le sálà co le hakio sɔlaa malɔɔ-o solio. A saa kóndó kon vana-solia-lasálàá tosanin faleŋii baŋannde ni haliko mi vana tɛɛmbuu kon tɔŋndo-o sɔla hakio malɔɔ.

Kundalan 5:8 Referans Kwoze

Tɔŋ lasálàá 7:7

Tɔŋnda co le sálà bɛɛndiaa isɔɔ lan, lan koni la co le sálà co le hakio sɔlaa malɔɔ-o ni, faleŋun pilɔn kpé. Vana-solia-lasálà simnin sɔɔn laci mò tosa faleŋii malaa hakiei-yo, ndu nɔnin visin cɔlu sálà kon ni.»

Tɔŋ lasálàá 5:16

O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.

Tɔŋ lasálàá 6:5

Fɔ mì yinnden le va biyɔɔ o fonda-loamaa-lasálàá coo tuŋ, le bɛnda mì le ɲum te, vana-solia-lasálàá bɛnda mò va yɔmnde vowvo o yin idii oo idii, mò handu sálà loamaa lecoo telen pá mo lom visin macuɛin cɔlua co le sálà kɔlɲuloo-a lecoo.

Kundalan 5:7

Lelan, o bɛnda mò sɔlɔlan dɛnɛ vɔɔn o tosa-o, mò mingul vana o de kon ɲɛ ndɔɔ a sondo yeelaa-o ɲɛ kon kpow, mò tuu vɔngu ɲɛ kon, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo le ndu mingullo.

Kundalan 5:9

Ɲɛ-ɲɛ Israɛlla faŋa pɛ o ɲɛm diandan nda yɔ̀ngù vana-solia-lasálàá le sálàá solio-on coo, le vana-solia-lasálà kon ɲɛ kon co ni.

2Masaa 12:16

Hɔlte ve bɛɛ vanaa ndáà yɔngu volion le vanaa baalaa salaa-a kɔɔli le, kani a kɔl sandaa nda va dɛnɛ kon tosaa ni.