Kundalan 5:2 - BII BILA

² «Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Kundalan 5:2 Referans Kwoze

Tɔŋ lasálàá 21:1

Mí Mɛlɛka dimul Moise aa: «Dimul vanaa-solia-lasálàá, poaa Aarɔn-nda sɔɔn mun aa: ‹Vana-solia-lasálàá bɛnda mò siŋnun vana nɔɔlɛiyo Mɛlɛka o hɔl a dɛnɛ vana vílɛ́i co vanayɛi ndɔɛi-yo o kɔɔ le.

Tɔŋ lasálàá 13:46

Mɛ̀ɛ́-mɛ̀ɛ́ o viow, te paw kon co vɔ pɛ ndu lekɔɔ, vana nɔɔlɛiyo o co ni. Mɛɛ o co yɛ vana nɔɔlɛiyo yɛ, o bɛnda mò va ndu pilɛ kpé. Nɛɛ ndɔa calaa vanin o dɔ́ɔ́ngɔ́ɔ̀ kɔɔli ni.»

Kundalan 12:14

Kɛ mí Mɛlɛka mulul ndu aa: «Te fuɲa ndɔ ndóò tufu pɛ ndu lɔlɔan o hɔl, ndóò venin a siɛmbula lan le palɛi ndii ŋɔmmɛw le? Te o co pɛ lende, mɛɛ o bɛnda mò faŋan o dɔ́ɔ́ngɔ́ɔ̀ nin le palɛi ndii ŋɔmmɛw. Te palɛi ken cuu pɛ, o muungu niko niaa tɛɛn.»

Kundalan 31:19

Le niaa pila yɛ niko, vanaa diw vanndacieea-a kpow a vanaa pilan vanvílɛ́iya-a kpow, á lo vɔ o dɔ́ɔ́ngɔ́ɔ̀ kɔɔli le palɛi ndii ŋɔmmɛw. A bɛnda mà dindin o paale yàándɔlen a o paale ŋɔmmɛwndɔlen coo, nda pila a vanlaandua nda hin o biyɔɔ nin-nda.

2Masaa 7:3

Vanaa nàà siaŋaa pum va nda hiɔɔlu o dio luɛyaa kobio sondoo. Má dimulan aa: «Le yɛɛ naa n co yɛ lou nanu háá mí n va piɔ́mndo cumndo?»

Tɔŋ lasálàá 13:8

mì vana-solia-lasálàá mɛɛndian ndu vɛlɛ mɛɛndian diinndɔɔ. Te o ce pɛ maa tafiei hiow laci a dioo, o dimi aa vana kon co o nɔɔlɛiyo. Mɛɛ nàà siaŋa fúlà vana o yáwvo coo-o co kon ni.

Tɔŋ lasálàá 14:8

O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.

Tɔŋ lasálàá 23:29

Vana-vana kɛɛ pɛ ɲinkon le sumndo biyɔɔ, à bɛnda mà faŋa ndu Israɛlla tɛɛn few-few.

Kundalan 5:1

Mí Mɛlɛka soaa o Moise lo, mó dimul ndu aa:

Kundalan 12:10

Mɛɛ kumnde faŋan dɔ́ɔ́ o cɛi-kola-toandaa-labɔɔŋianndo coo, mí pongan humbon fula Miriam kɔɔlen kpow maa nàà siaŋa, mí Aarɔn ca ndu a nàà vɔɔn kon.

Tɔŋ lasálàá 13:45

Fɔ mì vana nàà kon bii-o vownun volɔɔla ndɔla cuɛinanndan lasɛɛsiɛilan, mò puusiaa yiinde ndu o lebol, mò kumbu siayii co o milinndo bɛngu-e, mò yonda aa: ‹Vana nɔɔlɛiyo! Vana nɔɔlɛiyo!›