Kundalan 4:5 - BII BILA

⁵ Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo,

Kundalan 4:5 Referans Kwoze

Hebreea 9:3

O kola landaa diinndɔɔ kɔɔli, fonda diinndɔɔ va ni. Ndu ndáà veelu ni aa: «Fonda diandaa-diandaa.»

Matie 27:51

O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa,

Hebreea 10:20

O kumbil naa nɛi sɛnɛiyo, o kiyɛiyo, keiyo o kola landaa, dialun ndɔn pɛɛn.

Esai 25:7

O sɛɛsiaanin kola vaan-vaan co o kuumbuanndo vannda súúlan kpow coo-o o pembii ken coo, kola kuumbun vanaa-mangalaa-isɔɔa kpede coo-o pɛɛn.

Kundalan 10:14

Polale Yuda len fɔlɔn le cɛn kɔlan a lɛfɛ ndaa ni a kundala va polale len kɔɔli lan. Kundala lan la yɔŋnun ndan ni: kundala Yuda lan, simlacinɔ ndaa va Naasɔn, po Aminadab-o ni,

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Fulaa 40:3

A cii pɛ ndu tondɔɔ, a luei kesu kpemaa lenin, a ven ndu o kola-landaa kɔɔli.

Fulaa 36:35

Má tosa kola-landaa a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan a á kola keesoo. Mí vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Fulaa 40:5

Ma hin a fonda loamaa cuɛima cun kɛndɛ nda cɔw a sianion le ansan lomɔɔ lecoo-o, ma kɛsi ndu o kesu kpemaa hɔl-ndɔ, ma baa kola-landaa o dio Calta Mɛlɛka la lan.

Tɔŋ lasálàá 16:2

«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.

Kundalan 4:4

Vali nda vanin tosaa o cɛi-kola-toandaa-labɔɔŋianndo nin-ndo vanin le hɔlla landɔɔ o ɲɛm valin diandaa-diandan coo ni.

Kundalan 7:9

O yɔngu cuavaa-imamaa Kehat-a ɲɛ-ɲɛ o ɲɛla lan nin te, kani nda va le hɔlla landɔɔ o ɲɛm valin diandan coo a le mun vilio o lacongú ni.

Tɔŋ miingua 31:9

Mí Moise sɛva tɔŋ kon, mó yɔngu vanaa-solia-lasálàá, poaa imamaa Levii-a, a ndáà cua kesu kpema Mɛlɛka-o le kɔlan a ndu-a, a kaasoŋaa kɔlkalua Israɛlla kpow.

1Samiɛl 6:19

Mí Mɛlɛka tuisi vannda Bɛt-Siemɛs dɛnɛ palaa coo le tofa nda tofa o kesu kpemaa nin-ndo. Mó diw n'van belaŋɔmmɛw o vanaa vaala beleŋuɛɛnua coo. Mí a lo yoomu-a lo a mɔnɛi le dɛnɛ palaa bɛndu Mɛlɛka tuisi nda kon coo-o.

1Dɛnnda lemasalan 15:15

Mí poaa leviia sɔaa yɔmii lakpɔlɔnnde o kesu kalaa, má cua ndu o lacongú, maa mɛɛ Mɛlɛka ndóò dimul Moise le nda cɔmndo yɛ.

1Dɛnnda lemasalan 23:26

Le hee, leviia cue lɛnin Calta Mɛlɛka lan a ɲɛm-laandun baalan ndɔn le balɔɔ a mun te.»

2Dɛnnda lemasalan 3:14

Mó lɔa kola keesoo, mó yin ndu a kaan, a ɲɛ siaŋaa vólotótoo a á ɲɛ siaŋa sɔɔtɔtɔɔ, mó kɛmikɛmiaa mɛlɛkaa kanda ɲɛm Hala-on-nda lecoo.