Kundalan 4:16 - BII BILA

¹⁶ Eleasar, po Aarɔn vana-solia-lasálàá yɛ, ndu nɔnin hɔlla o ɲɔɔn mun coo ni: cuɛima co le lomɔɔ o ɲɛ kɛsiaa lafitinaa nin-ndan, ansan, sálà kpeyan nda loam lepalaa-lepala-o a cuɛima co le pɔlaa-an. Ndu nɔnin hɔlla o Calta Mɛlɛka la lan coo a o ɲɛm co lenin-ndon kpow coo ni, kandɔɔ a ɲɛm ndɔn valin diandan, kɔ bii a ɲɛm ndɔn laandon kpow.»

Kundalan 4:16 Referans Kwoze

Fulaa 25:6

cuɛiyan le vowvo o ɲɛ kɛsiaa lafitinaa nin, ɲɛm cun kɛndɔn le cuɛima co le pɔlaa-an a le ansan lomɔɔ,

Tɔŋ lasálàá 24:2

«Dimul Israɛlla mà yɔngu nɔm cuɛima olivema kɛndɛ-kɛndɛan, haliko mi fitinalan la va biyɔɔ icɔl oo icɔl.

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

1Timote 2:5

Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Kundalan 3:32

Vana bɛndu va leviia kpow bollen-ndo va Eleasar, po Aarɔn vana-solia-lasálàá ni. Ndu óò mɛɛndan vali nda va tosaa o Cɛi-Diandaa nin-ndo ni.

Tɔŋ lasálàá 6:20

Vana-vana pilan pɛ visin mun, ndu siŋnun teengen le Mɛlɛka, te kooma ndɔan ma vesulun pɛ o ɲɛ cuɛinanndo, à bɛnda mà tɔɔ ɲɛ cuɛinan kon nɛɛ diandaa pum.

Fulaa 37:29

Mí vana caa cuɛiyan toosiaa-o bɛɛndiaa cuɛiyan le pɔlaa, mí vana caa ɲɛm cun kɛndɔn toosiaa-o toosiaa ansan cun kɛndɔɔ.

Fulaa 31:11

cuɛima co le pɔlaa-an a lasikɔlɔ kɛndɛ-kɛndɔɔ le vallo o cɛi-kola-toandaa diandaa nin. Mì vanaa cɔawnin ɲɛm mun mà sɔndu volɔɔla lan-nda bii tɔŋnda ya yɔngu nɔm-ndan kpow le vali kon tosaa.»

Fulaa 30:22

O kon kɔɔli, mí Mɛlɛka soaa o Moise lo, mó dimul ndu aa:

Tɔŋ lasálàá 24:1

Mí Mɛlɛka soaa o Moise lo, mó dimul ndu aa:

Kundalan 4:17

Mí Mɛlɛka soaa vɛlɛ o Moise nda Aarɔn ndo, mó dimul nda aa: