Kundalan 4:15 - BII BILA

¹⁵ Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Kundalan 4:15 Referans Kwoze

Kundalan 7:9

O yɔngu cuavaa-imamaa Kehat-a ɲɛ-ɲɛ o ɲɛla lan nin te, kani nda va le hɔlla landɔɔ o ɲɛm valin diandan coo a le mun vilio o lacongú ni.

Tɔŋ miingua 31:9

Mí Moise sɛva tɔŋ kon, mó yɔngu vanaa-solia-lasálàá, poaa imamaa Levii-a, a ndáà cua kesu kpema Mɛlɛka-o le kɔlan a ndu-a, a kaasoŋaa kɔlkalua Israɛlla kpow.

Kundalan 10:21

O kon kɔɔli, mí cuavaa-imamaa Kehat-a a can kɔlan a ɲɛm diandan o ba. Calta Mɛlɛka lan láà bɛnda mì láà tondun telen pá mì cuavaa-imamaa Kehat-a ndáà tiiya nɛɛ dɔ́ɔ́ngɔ́ɔ̀ ndóò kilan-nda.

1Dɛnnda lemasalan 15:2

O kon mó dimi aa: «Leviia daama bɛnda le kesu Hala-o cuaa ni, kani nda Mɛlɛka hɛli le ndu cuaa a le baala ndɔɔ tosaa le lɔ́ɔ́-lɔ́ɔ̀ ni.»

1Samiɛl 6:19

Mí Mɛlɛka tuisi vannda Bɛt-Siemɛs dɛnɛ palaa coo le tofa nda tofa o kesu kpemaa nin-ndo. Mó diw n'van belaŋɔmmɛw o vanaa vaala beleŋuɛɛnua coo. Mí a lo yoomu-a lo a mɔnɛi le dɛnɛ palaa bɛndu Mɛlɛka tuisi nda kon coo-o.

1Dɛnnda lemasalan 15:15

Mí poaa leviia sɔaa yɔmii lakpɔlɔnnde o kesu kalaa, má cua ndu o lacongú, maa mɛɛ Mɛlɛka ndóò dimul Moise le nda cɔmndo yɛ.

2Samiɛl 6:13

Mɛɛ vanaa va kɔlan a kesu kpema Mɛlɛka-o-a nɛi dɔ́ɔ́ bɛngoo leŋɔmpum o kɔlan, mí David soli sálàá a naw tovaa o pilɛ a á naw téndé celulaa o pilɛ.

Yosue 4:10

Mí vanaa-solia-lasálàá vá kɔlan a kesu kpemaa-a lo isisi o pee kɔ́llo lon háá mí vannda cii ɲɛ Mɛlɛka ndóò dimul Yosue le vannda tɛɛngullo-o tosa, maa mɛɛ Moise ndóò dimul Yosue yɛ. O kon kɔɔli, mí vannda keleŋa taŋɔɔ cɔ́-cɔ́.

Kundalan 3:38

Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.

Kundalan 1:51

Te la faŋan pɛ o dɔ́ɔ́ngɔ́ɔ̀ nin, nda bɛnda ni mà puusiaa Calta Mɛlɛka lan. Te la kila pɛ dɔ́ɔ́ngɔ́ celen, nda bɛnda ni mà tondu Calta Mɛlɛka la lan. Te vana celen, vana co leviinɔ loo sɔɔnguu pɛ ikɛi, o sɔla piɔ́mndo.

Fulaa 19:12

Kɛ a bɛnda ma kilu nda kpélénndan o pembei balɔɔ pindo, ma dimul nda aa: ‹La mandan, la hel o pembei he coo le, la sɔɔnguu bɛɛ ikɛi le, kani vana-vana sɔɔnguu pɛ ndi ikɛi, ndu sɔlanin piɔ́mndo.

Fulaa 27:7

Mì yɔmii ken i sɔɔnun o kelan ndɔn nin o kpengun miunndon le ndu cuaa a ndi.

Tɔŋ lasálàá 16:13

O tiiya pɛ lon a ɲɛm mun, o cucu ansan funguɲa kon o yin Mɛlɛka o hɔl. O kon, kumnde kumbu kúmbú co o kesu kpemaa coo-o kpow. O tosan pɛ lende, Aarɔn sɔla piɔ́mndo le.

Kundalan 1:50

Yɔngu nda vallo o Calta Mɛlɛka lan nin, nɛɛ sɛbɛ kpemaa co-a, mà tosa vallo a ɲɛm-laandun co o cɛi kon nin-ndon a á ɲɛm ndɔn vallon kpow. Nda bɛnda ni mà vili ɲɛm nda tangul Calta Mɛlɛka la lan-ndon a ɲɛm ndɔn valin co lenin-ndon kpow, nda bɛnda vɛlɛ le vallo tosaa o Calta Mɛlɛka la lan nin ni.

Kundalan 4:14

a handu volɔɔla valta fonda-loamaa-lasálà kon lecoo: bonyun fuusan, cukanila n'ciŋndan, ɲɛla ɲindaa lapultan, taalala fasaŋiaa makòólan. O kon, a kumbu kon kpow a kola nda toosiaa a yáwla kálà-kálàlan lapum-ndo, a sɔɔ yɔmnde le ndu cuaa.

Kundalan 4:19

Taa sɔɔnguu pɛ o Fonda Diandaa-Diandaa ikɛi, ɲɛ niaa bɛnda mì la tosa le nda yɔŋii nda vu-o co hoo ni: nɔm Moise, Aarɔn a poaa ndɔa, la bɛnda mì la luɛi, mì la cɔm vana-vana vali ndɔɔ a ɲɛ diandaa o bɛnda le cuaa-o.

Kundalan 4:20

À bɛnda mà luɛi nda pilɛ kpé le ɲɛm diandan tofaa hali o telen pɔmbɔ bɛngu le, yɔŋii nda sɔla piɔ́mndo.»

Kundalan 18:3

À vanin nɔm o ba bɛngu mà tosa vallo a cɛi-kola-toandaa kon kpow o kɔɔ. Kɛ à bɛnda mà sɔɔnguu o fonda-loamaa-lasálàá a o ɲɛm-laandun solia lasálàn co le cɛi-kola-toandaa diandaa kon-ndon ikɛi le, yɔŋii nda kondu niaa dɛnɛ mì la sɔla piɔ́mndo niaa ndaa vellaa-velle.

2Samiɛl 15:24

Sadɔk vana-solia-lasálàá, a leviia kpow va nda tɛɛn, a va kɔlan a kesu kpema Hala-o o lebol. Vannda cuu fula lende o kobi kon nin, Abiatar va sálàlan solio tuŋ.

1Dɛnnda lemasalan 23:26

Le hee, leviia cue lɛnin Calta Mɛlɛka lan a ɲɛm-laandun baalan ndɔn le balɔɔ a mun te.»

Fulaa 19:21

Mí Mɛlɛka dimul ndu aa: «Tol mà kɔ kanalan vannda ha, yɔŋii nda hiow pɛɛngulan a kiltan le hunɔɔ nɛɛ ya Mɛlɛka co-a le ya cɔu, yɔŋii vannda taw a sɔla piɔ́mndo.

1Masaa 8:3

Mɛɛ kaasoŋaa kɔlkalua Israɛlla hin, mí vanaa-solia-lasálàá cua kesu kpemaa, má kɔa a ndu,