Kundalan 34:2 - BII BILA

² «Soo o Israɛlla lo ma dimul nda aa: ‹Lɔ́ɔ́ niaa tiiyanin o lɛŋnde Kanaan-nden nin-ndo, lɛŋnde vanin kɛ́ niaa len, pɛɛngulan ndɔlan la vanin ndan ni:

Kundalan 34:2 Referans Kwoze

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Condii lisai 105:11

Mó dimi aa: «I yɔngu nɔm lɛŋnde Kanaan-nden, kɛ́ nɔmndo vanin kon ni, nɔm a polale nɔmnden.»

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

Esekiɛl 47:14

La bɛnda mì la loo len, mì le va kɛ́ niaa, mì la piɔw len, mì vana-vana sɔla kpen-kpen vellaa-velle, maa mɛɛ ya heelu baa mì mɛnan le fuɲaa niaa mamaa lɛŋnde kalalen yɔngoo yɛ. A toɲa la loonin lɛŋnden nden mì le siŋnun kɛ́ niaa.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

O Kandɔɔ 10:19

mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa.

Kundalan 34:1

Mí Mɛlɛka soaa o Moise lo, mó dimul ndu aa:

Esekiɛl 47:13

Nuaa Maalii Hala dimi ni aa: «La tofa vɔ pɛɛngula lɛŋnden nden, le niaa piɔw nin polama tɔ́ a mamiɔmma Israɛlla tɛɛn-nden pɛɛn. Polale Yosɛf len le bɛnda mì le sɔla lɛŋnden bɛmbɛ lediin.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.

Yosue 21:43

Nuaa Mɛlɛka ke Israɛlla lɛŋnde ndóò yiilu fuɲaa ndaa mamaa kpemaa le nda len yɔngoo len ni. Má sɔla len, má cal lenin.