Kundalan 32:5 - BII BILA

⁵ Má cɔɔlu vɛlɛ dimi aa: «Lelan, mɛɛ n ce naa ɲia yɛ, yɔngu naa lɛŋnde len mì le lo le naa, tɛ́ɛ́ngùù naa Yurdɛn leeloo le yandi.»

Kundalan 32:5 Referans Kwoze

Yeremi 31:2

O Mɛlɛka dimi-o co hoo ni aa: «I tosal vanaa mɔɛi cɔwve bendu-a kɛndɛi o lɛŋnde veselɛilen nin, lelan pɛngio vanin le Israɛlla.

Ɛstɛr 5:2

Ndóò cɔu dɔ́ɔ́ Ɛstɛr laa ndɔ isisi o bɛ́ɛ̀, mó ca ndu ɲia. Mó yulu tinda n'siani ndóò nɔ o ba-o Ɛstɛr o hɔl, mí Ɛstɛr sɔɔnguu, mó pilan tindaa hɔllo.

2Samiɛl 14:22

Mí Yoab cal masaa o labɛngunin, mó tundun, mó tiiya bollen lɛŋ dí, mó mel ndu balika, mó dimi aa: «Masaa, i sina maa a ce ya hau ɲia, kani nɔm vana ni bɛndoo cɛl le ɲɛ ya tuu-o tosaa.»

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

Ruti 2:10

Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»

Yosue 7:7

Mí Yosue dimi aa: «Éé Maalii, Mɛlɛka! Le yɛɛ nɛ n tɛɛnguu yɛ naa peo Yurdɛn le naa hunɔɔ malɔɔ Amoriia o ba mà diw naa? Ndóò va fisa mí naa n lonnún Yurdɛn leeloo.

Tɔŋ miingua 1:37

Mí Mɛlɛka tuulu vɛlɛ kɔl a ya le dɛnɛ niaa, mó dimi aa: ‹Nɔm Moise bɛɛ a luei o lɛŋnde len nin te.

O Kandɔɔ 19:19

A cii ya nin ɲia cɔ mà tosal-la dɛnɛ kɛndɔɔ taw. A cii ya nin ciindiaa. Kɛ i tiwnin ba mì ɲaanun o pembei coo le, yɔŋii kpundɔɔ ho komal-la lon mì vi.

Kundalan 32:4

lá co o lɛŋnde Mɛlɛka yɔngu Israɛlla len nin-ndan, la bɛnda taw-taw le cɔlua mandaa. Nduyɛ, naa buɛyaa nɔmnda, n nɔ cɔlua taw o ba.»

Kundalan 32:6

Mí Moise mulul vanaa fula kan o polale Kad len nin a o polale Rubɛn-nden nin-nda aa: «Le yɛɛ mì puapilɛa niaa kɔɛ o cɔwvo, mì niaa lonnun icali nanu yili?