Kundalan 32:3 - BII BILA

³ «Kobilan Atarɔt, Dibɔn, Yaesɛr, Nimra, Hɛsbɔn, Eleale, Sebam, Nebo a Beɔn,

Kundalan 32:3 Referans Kwoze

Yeremi 48:34

Vannda Hɛsbɔn a co yeelan mɛlio le vana malaa sɔlaa. Vana lo Eleale pɔ́ mà tuei nda diom. Diomnda ndalan la co tiiyaa Yahas dí. A va Soar, Horonaim a Ɛklat-Sɛlisia dí mà tuei nda diom. Kani hali soon mamɛnndo Nimrim, o vela mí vannda piaw lon.

Yosue 13:17

Hɛsbɔn a kobila ndɔla co o pembei coo lan: Dibɔn, Bamɔt-Baal, Bɛt-Baal-Meɔn,

Yeremi 48:45

Vanaa co sangaa a ɲaanɔnndo-a co kɔlan vionnɔnndo Hɛsbɔn. Kɛ yinnden le co fula o kobi kon nin, o cɛi lemasaa Sihon, mì yelenyelenndo kɔ loam lɛŋnde vanaa kan cɔnɔnndo o pɛɛngulan háá o lɛŋnden kɔllo.

Yeremi 48:32

Rɛsɛnndo Sibma, i co caŋndo le nɔm, hiovɔɔ mɛɛ ya co caŋndo le Yaesɛr yɛ. Lɛvun nɔmndon mun talataliaa háá mì n hiaw mɛmma hɛlii bɛnduan, mí n kɔ tiiya Yaesɛr dí. Mí vana tɛɛmbua hun del o komɔɔ nɔm cuu nin kiɔndɔɔ-o a o co vɔ lecoo-o coo.

Yeremi 48:2

Ɲɛ va Moabua hɔlla heeloo-o cuu. Vannda tuu sɔɔn kɔlvesɛiyon le kobio Hɛsbɔn, má va dimio aa: ‹N kɔnnun mì n kɔ ɲumi kobi kon vanaa-mangalaa-isɔɔ tɛɛn!› Nɔm kobio Madmɛn bɛɛ, a tambunin, kani cɔwvo co nɔm kɔɔli.

Esai 15:6

Mɛnndan Nimrim ma tambu mi ma vela sɛ́ɛ́n. Billo vesan, bil pɔmbɔ tala lɛŋ-ndo tambu, bil puiyaa bɛɛ co lɛ hali ɲɛ-pɔmbɔ le.

Nehemi 9:22

Má mal masɛi a vanaa súúla celennda nda o ba, má ke nda lɛŋii balu nda-e kɛ́ɔ, lɛŋnde Sihon masaa Hɛsbɔn-nden a lɛŋnde Ɔk masaa Basan-nden.

Masaa kialaa n'yamaa 11:26

O co nin le vɔsilan kɛmɛ leyáá, Israɛlla co icali Hɛsbɔn, Aroɛr a o cieon balu lon-ndon nin, o kobila co o peo Arnɔn kɔngɔ lan kpow nin. Le yɛɛ niaa kɛɛ yɛ niko nda lɛŋii ken poondiaa o laba háá hau?

Yosue 13:19

Kiriataim, Sibma, Serɛt-Hasahar pembii co o bóllo nin-nde,

Kundalan 32:1

Cuavaa-imamaa Rubɛn-nda a cuavaa-imamaa Kad-a ndáà nɔ cɔlua taw-taw. Má ca maa tàndá Yaesɛr-o a tàndá Kalaad-o láà bɛnda le cɔlua mandaa.

Kundalan 21:28

Kani yinnden le fula Hɛsbɔn, yelenyelenndo fula o kobi Sihon-ndo nin, mó loam kobio Ar o lɛŋnde Moab len nin, mó loam ɲɛm biilaan o cieon holnun Arnɔn-ndon nin.

Kundalan 21:30

Kɛ n cɛɛluu Amoriia a kɔɔn, cɔn Hɛsbɔn kɔ tiiya Dibɔn, ɲɛ-ɲɛ cuu itambu few-few. N cii ɲɛ-ɲɛ tɛɛmbuu kɔlan tiiyaa háá Nofa, n kɔ tiiya a tɛɛmbuuo Medeba dí!»

Kundalan 21:32

Mí Moise viam suansuaanda o tàndá Yaesɛr-o nin le kɔlan fɛfɛlaa, má bii kobila va o tàndà kon nin-ndan, má toaw Amoriaa va icali lon-nda.

Kundalan 32:2

Le hee, má komal Moise, Eleasar vana-solia-lasálàá a vanaa va bolii lapangɛi Israɛlla coo-a, má dimul nda aa:

Yeremi 48:1

Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!

Esekiɛl 25:9

I co kpaki balu lɛŋnde Moab len-ndo piɔlɔɔ vɔ́-vɔ́, mì koombiaa kpakila kunga kobila ndɔlan-ndan, kandɔɔ a kpengei kɔlan fulaa háá a kpengei pilɛi o pɛɛngulan. I kumbinin kobila ndala kɛndɛ-kɛndɛla lan maa Bɛt-Yesimɔt, Baal-Meɔn, Kiriataim.

Yosue 21:39

Hɛsbɔn a Yaesɛr.