Kundalan 32:1 - BII BILA

¹ Cuavaa-imamaa Rubɛn-nda a cuavaa-imamaa Kad-a ndáà nɔ cɔlua taw-taw. Má ca maa tàndá Yaesɛr-o a tàndá Kalaad-o láà bɛnda le cɔlua mandaa.

Kundalan 32:1 Referans Kwoze

Kundalan 21:32

Mí Moise viam suansuaanda o tàndá Yaesɛr-o nin le kɔlan fɛfɛlaa, má bii kobila va o tàndà kon nin-ndan, má toaw Amoriaa va icali lon-nda.

Kundalan 32:35

Atrɔt-Sofan, Yaesɛr, Yɔkbeha,

Kundalan 32:3

«Kobilan Atarɔt, Dibɔn, Yaesɛr, Nimra, Hɛsbɔn, Eleale, Sebam, Nebo a Beɔn,

1Nsaŋ 2:16

kani ɲɛ-ɲɛ co o ceendo nin, yeemɛi n'faluei, hɔlte ɲɛm kɛndɛlen a yonga ceendo, o fula Pua o ba le, kɛ o ceendo nin.

Misee 7:14

Sim vanaa nɔmnda laci a tinda vana mandaa n'saa o ba, vanaa co kɛ́ nɔmndo-a pɛɛn. À co nda pilɛ kpé yondoo nin, o tɔlɔɔla iyɔmndan tɛɛn. Mɛɛ n tosa lɔ́ɔ́ kon a nda yɛ, kɔ a nda o yondola puiyaalan Basan nin a o lan o tàndá Kalaad-o nin.

Yeremi 50:19

I minginin Israɛlla diólan nɛɛ paandua, mà kɔ komal ɲɛ nda diaa o pembei Karmɛl coo, o pembei Basan coo, o tàndá Efraim-ndo nin a o tàndá Kalaad-o nin, mò de mɛɛ o hɛnan ndu yɛ.

2Samiɛl 24:5

Má taŋ peo Yurdɛn, má kɔ kandu sɛvaa o kobio Aroɛr nin a o kobi co o bóllo ba too-o nin. Má kei o tàndá yungu Kad-o nin, má kɔa Yaesɛr.

Yosue 13:25

Lɛŋnde ndáà sɔla len le va Yaesɛr, kobilan o tàndá Kalaad-o nin kpow, tálá lɛŋnde Amoriia, tiiyaa háá Aroɛr co Raba ikɛi-yo.

Kundalan 32:26

Cuavaa naa, laandaa naa a cɔlua naa kpede a co lo o cieon nin o tàndá Kalaad-o nin nanu,

Fulaa 12:38

Mí vanaa-mangalaa-isɔaa súúla celen a del nda kɔɔli telen nda va kɔnndan-ndo, má kɔa nda ndaa latulu. Má kɔa vɛlɛ a cɔlua ndaa, cɔlua kan va kunda taw: saa, cuinnda a nawva.

O Kandɔɔ 47:4

Má cɔɔlu vɛlɛ dimi aa: «N hin le calle o lɛŋnde nɔmnden nin. Kani yima fofolan ma co ma bɔɔ o lɛŋnde Kanaan-nden nin, hali bil puiyaa, o co lɛ lon le cɔlua naa le. Lelan, yiyan naa coo ma cɛl mì n cal o tàndàá Kosɛn nin.»

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

O Kandɔɔ 13:5

Lɔt va bɛɛ kon Abram o ba bɛngu-o ndóò nɔ cɔlua taw: saa, cuinnda a nawva. Ndóò nɔ vɛlɛ cɛila-kolala-toandaalan taw.

O Kandɔɔ 13:2

Vana bolofaa bɛndoo pila Abram va ni, ndóò nɔ cɔlua, volion a sianion taw.

Kundalan 32:2

Le hee, má komal Moise, Eleasar vana-solia-lasálàá a vanaa va bolii lapangɛi Israɛlla coo-a, má dimul nda aa:

Tɔŋ miingua 33:21

A hɛli lɛŋii kɛndɛi le nda pila, kani o ɲɛm mun nin kunda lemasaa co o mandaa ni. A sim vannda laci o kɔlan, má peelu dɛnɛ sandaa Mɛlɛka-o a tɔŋnda ndɔlan le cuavaa Israɛlla.»

Yosue 22:9

Mí vanaa fula o polale Rubɛn-nden nin-nda, vanaa fula o polale Kad len nin-nda vanaa a fula o polale tálále Manase len nin-nda sɛyan nda Israɛlaa tɔ̀a nɛɛ nda va Silo o lɛŋnde Kanaan-nden nin-nda, má muungu o tàndá Kalaad-o nin, lɛŋnde Mɛlɛka ndóò dimul Moise le nda keo len.

Masaa kialaa n'yamaa 5:16

Le yɛɛ nɛ niaa lonnun yɛ o vɔ̀lɛ́lan tɛɛn le vanaa mandaa n'cɔlua tueyɔɔ cɔlua veeloo? A toɲa, o yungula fula Rubɛn o ipululan tɛɛn, sɛɛngiaa kposon co ni.

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yosue 22:13

Mí Israɛlla viam Pineas, po Eleasar vana-solia-lasálàá, o vanaa fula o polale Rubɛn-nden, polale Kad len a o polale tálále Manase len nin-nda lo, o tàndá Kalaad-o nin.

2Samiɛl 24:6

Má kɔa o tàndá Kalaad-o nin o lɛŋnde Hitiia nin Kadɛs. Má kɔa Dan-Yaan a o tàndá balu ndu-o nin, má kɔa vɛlɛ o lɛŋnde Sidɔn-nden nin.

1Dɛnnda lemasalan 4:41

Nduyɛ, telen Esekia va masaa Yuda-o, mí simlacia kan kɔ del lɛŋnde yungu Ham-ndo len coo, má tɛɛmbuu cɛila-kolala-toandaalan a nɛɛ viannaŋaa va lon-nda kpow, má diw vanaa va lon-nda. O kon kɔɔli, má kɔ cal o fonda nda kon, kani lon ndáà sɔla bil kɛndɔɔ le cɔlua ndaa ni.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Yeremi 48:32

Rɛsɛnndo Sibma, i co caŋndo le nɔm, hiovɔɔ mɛɛ ya co caŋndo le Yaesɛr yɛ. Lɛvun nɔmndon mun talataliaa háá mì n hiaw mɛmma hɛlii bɛnduan, mí n kɔ tiiya Yaesɛr dí. Mí vana tɛɛmbua hun del o komɔɔ nɔm cuu nin kiɔndɔɔ-o a o co vɔ lecoo-o coo.