Kundalan 30:3 - BII BILA

³ Te vanndo baa pɛ yoolen o Mɛlɛka lo, te kon te, te vanndo cua pɛ ciɛ́i a mɛnanndo, o bɛnda mò kɛɛ sɔɛi fula ndu o sondo-e peelu le. O bɛnda mò tosa mɛɛ o dimi yɛ.

Kundalan 30:3 Referans Kwoze

Kundalan 30:2

O kon kɔɔli, mí Moise soaa o vanaa va bolii lapangɛi o polama Israɛlla coo-a lo, mó dimul nda aa: «La tuei-yɔ ɲɛ Mɛlɛka dimul naa le tosaa-o:

Kundalan 30:4

Te cuaambɔ laandu lemboo baa pɛ yoolen o Mɛlɛka lo, mò cua ciɛ́i telen o co vɔ fuɲa ndɔ o ba-o,

Tɔŋ lasálàá 27:2

«Soo o Israɛlla lo, ma dimul nda aa: ‹Te vanndo yeema pɛ le ciɛ́ɔn o cua-on peeloo, o bɛnda mò sala volion mɛɛ vɔngu vanndacieaa yoomaa solin sálà o Mɛlɛka lo-a co yɛ.

Kundalan 6:2

«Soo o Israɛlla lo ma dimul nda aa: ‹Te vanapɔnɔɔ, te kon te vanalanɔɔ solin pɛ ndu pila sálà mò siŋnun teengen le Mɛlɛka, mò cua ciɛ́ɔn le ndu pila sálàá solinndo le Mɛlɛka.

Yosue 9:18

Kɛ Israɛlla del nda coo a cɔw le, kani simlacia ndaa ndáà cii nin nda mɛnalan o diola Mɛlɛka lan, Hala Israɛlla pɛɛn. Mí Israɛlla kpow a va sɔɔn pɔmbɔn dimio a simlacia.

Masaa kialaa n'yamaa 11:35

Yɛfte cɔu ndu dɔ́ɔ́, mó sɛɛsiaa volɔɔla ndɔlan, mó koŋul kpélén aa: «Éé Cuanndo! A mal-la o sangaa nin fɔ́! Nɔm co vana pilɛ o vanaa kondul-la dɛnɛ-a tɛɛn. Ciɛ́i ya cua o Mɛlɛka lo ni, i nɔla lɛ ndi tɛɛmbuu le few.»

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

1Korɛntea 14:34

o bɛnda mì vanlaandua mei o cuungiannda lekaanndan, kani a nɔ dí ma soo lon te. O bɛnda mà tuisin tootoo mɛɛ tɔŋ Hala-o bɛɛ dimi yɛ.