Kundalan 3:9 - BII BILA

⁹ Lelan, cua nda ma sɔɔ nda Aarɔn nda poaa ndɔa o ba. Kan bɛnda ni mà yɔngun Aarɔn, mì nda va hɔlte Israɛlaa tɔ̀a kpede.

Kundalan 3:9 Referans Kwoze

Kundalan 8:19

mí sɔaa nda Aarɔn nda poaa ndɔa o ba maa hɔlte Israɛlla tɔ̀a, haliko ma tosa vallo o diola Israɛlaa tɔ̀a o cɛi-kola-toandaa-labɔɔŋianndo nin, mà va vali baŋaa tosaa le nda. O kon, kpundɛ tul lɛ Israɛlla coo le sɔɔnguuo o Cɛi-Diandaa ikɛi le.»

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Efɛsea 4:8

Lelan o dimin ni aa: «Telen o va helɔɔ coocoo pɔ́-o, mó hel a vannda taw, a o bii o cɔwvo-a, mó ke vanndacieea ɲɔɔn.»

Kundalan 3:8

Nda bɛnda ni mà landu hɔlla o ɲɛm-laandun co o cɛi-kola-toandaa-labɔɔŋianndo nin-ndon coo, ma va vallo tosaa o Calta Mɛlɛka la lan nin le Israɛlla.

Kundalan 8:16

Kani le ya nda vanin fasɛi o Israɛlla tɛɛn ni, sɔ̀ngɔ́ poaa tasea Israɛlla kpow nda vanin le ya ni. I cua nda ma va ɲɛ ni pɛ́-pɛ́.

Kundalan 16:9

Vɛ̀ɛ̀ hɛli Hala Israɛlla hɛli niaa Israɛlaa sɛ́lɛ́a tɛɛn, mó kɛsi niaa ikɛi le ndu sɔɔnguuo o hɔl o Calta Mɛlɛka lan nin a le vallo tosaa o diola ndalan-ndo, la hini kɔl a kon te?

Kundalan 8:14

Lende n bɛnda ni ma sɛi leviia a Israɛlaa tɔ̀a. Mì nda va le ya Mɛlɛka.

Kundalan 8:18

Lelan, i cua leviia sɔ̀ngɔ́ poaa tasea Israɛlla kpow,

Kundalan 18:2

Sɔɔngun puapilɛa nɔmnda ikɛi, a niaa fula latulu o polale fuɲa niaa mamaa Levii len nin-nda, mì nda va nɔm malaa niaa cuavaa nɔmaa imamaa o vallo nin, vali niaa vanin tosaa o cɛi-kola-toandaa kesu kpemaa co nin-ndo sondoo-o pɛɛn.

1Dɛnnda lemasalan 6:33

Puapilɛa ndaa leviia va baalalan kpow tosaa o Fonda-Diandaa nin o Cɛi-Mɛlɛka-o nin ni.

1Dɛnnda lemasalan 15:2

O kon mó dimi aa: «Leviia daama bɛnda le kesu Hala-o cuaa ni, kani nda Mɛlɛka hɛli le ndu cuaa a le baala ndɔɔ tosaa le lɔ́ɔ́-lɔ́ɔ̀ ni.»

Ɛsdras 2:43

Buɛyaa va o Cɛi-Hala-o nin-nda: poaa Siha-a, poaa Hasufa-a, poaa Tabaɔt-a,

Ɛsdras 6:18

O kon má piɔw vanaa-solia-lasálàá a leviia mɛɛ nda va a kundalan yɛ le vali Hala-o tosaa Yerusalɛm maa mɛɛ o co o sɛvaa o sɛbɛ tɔŋ Moise-o nin yɛ.

Ɛsdras 8:20

O buɛyaa Cɛi-Hala-a David a vanaa va bolii lapangɛi-ya ndáà sɔɔ leviia o ba-a tɛɛn bɛɛ, má soli a pum ma vim naa nda. Kan nda va n'van kɛmɛ lediin a bidiin (220), nda kpede ma sɛva nda diolan a pilɛn-pilɛnnda.