Kundalan 3:7 - BII BILA

⁷ A vanin Aarɔn o ba bɛngu mà tosa baala le sɛ́lɔ́ɔ́ kpow o cɛi-kola-toandaa-labɔɔŋianndo sondoo le baalala co a Calta Mɛlɛka lan o kɔɔ lan tosaa.

Kundalan 3:7 Referans Kwoze

Kundalan 1:50

Yɔngu nda vallo o Calta Mɛlɛka lan nin, nɛɛ sɛbɛ kpemaa co-a, mà tosa vallo a ɲɛm-laandun co o cɛi kon nin-ndon a á ɲɛm ndɔn vallon kpow. Nda bɛnda ni mà vili ɲɛm nda tangul Calta Mɛlɛka la lan-ndon a ɲɛm ndɔn valin co lenin-ndon kpow, nda bɛnda vɛlɛ le vallo tosaa o Calta Mɛlɛka la lan nin ni.

Kundalan 8:15

Kon cuu pɛ, à kandu niko vali ndaa o cɛi-kola-toandaa-labɔɔŋianndo nin. O kon, a dindi nda, a cɔm ya nda a faleŋii vana tosa le ya Mɛlɛka ɲɔɔ cɔmndo-e.

Kundalan 8:11

O kon, Aarɔn tosa faleŋii vana tosa le ya Mɛlɛka ɲɔɔ cɔmndo-e, le ya leviia yɔngoo fulaa Israɛlaa tɔ̀a o ba, mì nda va nin le vali nuu.

1Dɛnnda lemasalan 26:26

Selomit nda puapilɛa ndɔa a va ɲɛm diandan mandaa ni, ɲɛm diandan mun pɛɛn, n masaa David, vanaa va bolii lapangɛi-ya, simlacia vanaa cɔvaa kundala n'van kɛmɛ-kɛmɛa, kundala n'van vaa pilɛa a simlacia vanaa cɔvaa tɔ̀a kpow a siinguu teengen le Mɛlɛka-on.

1Dɛnnda lemasalan 26:22

nda poaa ndɔa ni, Setam a Yɔɛl puapilɛ ndɔ pɛɛn.

1Dɛnnda lemasalan 26:20

Leviia tɔ̀a nda, má kɛsi nda hɔlten o bolofaa va o Cɛi-Hala-o nin-ndo coo a o bolofaa ɲɛm kea coo.

Kundalan 31:30

O kunda Israɛlaa tɔ̀a sɔlanin-ndo coo bɛɛ, ma faŋa vanacieo o pilɛ o vanndacieea beleŋuɛɛnu coo, cɔloo pilɛ o cɔlua beleŋuɛɛnu coo: cɔlua bɛndua, sofɛlɛa, cɔlua pɔmbɔa, cɔlua kpow, ma yɔngu leviia ɲɛm mun, á co vallo tosaa o Calta Mɛlɛka lan nin-nda pɛɛn.»

Kundalan 3:32

Vana bɛndu va leviia kpow bollen-ndo va Eleasar, po Aarɔn vana-solia-lasálàá ni. Ndu óò mɛɛndan vali nda va tosaa o Cɛi-Diandaa nin-ndo ni.

Tɔŋ lasálàá 8:35

O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»

Kundalan 3:8

Nda bɛnda ni mà landu hɔlla o ɲɛm-laandun co o cɛi-kola-toandaa-labɔɔŋianndo nin-ndon coo, ma va vallo tosaa o Calta Mɛlɛka la lan nin le Israɛlla.

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»