Kundalan 3:3 - BII BILA

³ Kan yɔŋnun poaa Aarɔn-nda ni, vanaa-solia-lasálàá sɔla pɔlaa le vali solia lasálàá tosaa-a nda va ni.

Kundalan 3:3 Referans Kwoze

Fulaa 28:41

Ma vow Aarɔn bɛ nɔm a poaa ndɔa volɔɔla lan, ma pɔla nda a cuɛima diandan, ma kɛsi nda teengen, haliko ma kandu baalaa le siŋnɔnndo vanaa-solia-lasálàà nia, ya Mɛlɛka pɛɛn.

Tɔŋ lasálàá 8:30

Mí Moise cua cuɛima va le pɔlaa-an a kooma va o fonda-loamaa-lasálàá coo-an, mó fasaŋiaa man Aarɔn coo a o volɔɔla va ndu lekɔɔ lan coo, mó fasaŋiaa man vɛlɛ poaa Aarɔn-nda coo a o volɔɔla va nda lekɔɔ lan coo. Lende Aarɔn nda poaa ndɔa, a volɔɔla va nda lekɔɔ lan kpow sɔla pɔlaa ni.

Tɔŋ lasálàá 8:12

O kon kɔɔli, mó tala Aarɔn cuɛima pɔlan o lebol, mó pɔla ndu le ndu siinguuo teengen le baala Mɛlɛka-o.

Hebreea 7:28

Tɔŋ Moise-o ndu handun le vanndacieea tiun te-a. Kɛ mí sɔɛi Hala mɛnan-nde, i hin o tɔŋndo kɔɔli-e i siinguu Poo bolle vanaa-solia-lasálàá, o sɔla tiuvɔnndo le fɛɛn a fɛɛn-ndo.

Fulaa 40:15

ma pɔla nda mɛɛ n pɔlanin fuɲa nda yɛ, mì nda bɛɛ siŋnun vanaa-solia-lasálàà nia. Pɔla n pɔlanin nda kon-ndo tosanin ni mì vali solia lasálàá siŋnun vali nda le fɛɛn a fɛɛn, kandɔɔ a nda pila, kɔ bii a cuavaa ndaa imamaa.»

Fulaa 40:13

ma vow Aarɔn volɔɔla solia lasálàlan, ma pɔla ndu le ndu sɔɔ Mɛlɛka o ba, haliko mo siŋnun vana-solia-lasálà nuu.

Kundalan 3:4

Kɛ mí Nadab nda Abihu a sɔla piɔ́mndo Mɛlɛka o hɔl o lɛŋnde veselɛile balu Sinai len nin, le tùú nda luɛi a yinnde súú celennden Mɛlɛka o hɔl-lo. Ndáà vilu n'cuaw le. Mí Eleasar nda Itamar lo vali solia lasálàá tosaa Aarɔn fuɲa nda o labɛngunin.

1Dɛnnda lemasalan 23:6

Mó piɔw leviia a kundalan lapilɛn-pilɛn mɛɛ nda va a yungulan yɛ: kunda Kɛrsɔn-ndo, kunda Kehat-o a kunda Merari-o. Kundala yɛ́-yɛ́la lan, o yungula fula o polale Levii len nin-ndan nin ndáà fula ni.