Kundalan 3:15 - BII BILA

¹⁵ «Cɔ́m polale Levii len mɛɛ nda co a kundala ndala n'vanayalan a á yungula ndalan a pilɛn-pilɛnnda yɛ, ma cɔm vanpiaandua nɔ paangei ipilɛ-a a á hiow nin paangii pilɛ coo-a.»

Kundalan 3:15 Referans Kwoze

Kundalan 26:62

Vanpiaandua nda sɛva o polale Levii len coo-a, a nɔ paangei ipilɛ a á hiow paangei pilɛ coo-a, a va vaalan bidiin a layàá (23 000). Polale Levii len le sɛvan a Israɛlaa tɔ̀a latulu le, kani nda ndáà bɛnda le kɛ́ lelɛŋ sɔla maa Israɛlaa tɔ̀a le.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Kundalan 3:43

Poaa tasea o sɛva diolan-nda, kandɔɔ a nɔ paangei ipilɛ-a kɔ bii a nɔ hiovɔɔ paangei pilɛ coo-a, a va vaalan bidiin a latiɔn a kɛmɔɔ lediin a belaŋɔmmɛw a à yaa (22 273).

Kundalan 3:34

A va vannda vàálan tan ŋɔmpum a kɛmɛ lediin (6 200), vanpiaandua nɔ paangei ipilɛ-a a á nɔ hiovɔɔ pangei pilɛ coo-a.

Kundalan 3:28

A va vannda vàála ŋɔmaa a kɛmɛ leŋɔmpum (8 600), vanpiaandua kposon, vanaa nɔ kandɔɔ paangei ipilɛ háá hiovɔɔ paangei pilɛ coo-a. Nda va hɔlla landɔɔ o Cɛi-Diandaa coo ni.

Kundalan 3:22

Tuma nda sɛva nda-o, a va vanpiaandua vàálan tan ŋɔmmɛw a kɛmɛ leŋuɛɛnu (7 500), kandɔɔ a nɔ paangei ipilɛ-a, kɔ bii a hiow paangei ipilɛ-a.

Kundalan 1:47

Vanaa fula o polale Levii len nin-nda nda sɛvan a Israɛlaa tɔ̀a latulu le.

Kundalan 3:16

O kon, mí Moise cɔm nda mɛɛ Mɛlɛka pila vem ndu le tosaa yɛ.

Kundalan 1:3

Niaa Aarɔn, la cɔm vanpiaandua nɔ kandɔɔ vɔsilan bidiin-nda a á nɔ hiovɔɔ bidiin coo-a, vanaa nɔla ma va vanaa cɔwva le Israɛlla-a.

Kundalan 26:57

Yungula sɛvan fulaa o polale Levii len coo lan la yɔŋnun ndan ni: Kɛrsɔn, ndu yɔŋnun fuɲa-mamaa le yungula Kɛrsuniia ni, Kehat, ndu yɔŋnun fuɲa-mamaa le yungula Kehatiia ni, Merari, ndu yɔŋnun fuɲa-mamaa le yungula Meraria ni.

2Dɛnnda lemasalan 31:17

Má sɛva vanaa-solia-lasálàá diolan mɛɛ yungula fuɲaa ndaa la va yɛ. Leviia yɛ, má sɛva kan diolan kandɔɔ a áà nɔ nin vɔsilan bidiin-nda a vanaa ndáà hiow nin vɔsilan bidiin coo-a coo, mɛɛ ndáà nɔ baalalan yɛ a mɛɛ nda va a piɔvaa a kundalan yɛ.