Kundalan 3:13 - BII BILA

¹³ Kani poaa tasea kpow, le ya nda co ni. Paale ya diw poaa tasea a cɔlua piaandua tasea Esiptea len, mí siinguu ɲinkon poaa tasea a cɔlua piaandua tasea Israɛlla teengen le ya Mɛlɛka pila. Kandɔɔ a po tasoo, kɔ bii a cɔlu piaandu tasoo, le ya nda co nin ni. Ya co Mɛlɛka ni.»

Kundalan 3:13 Referans Kwoze

Luke 2:23

mɛɛ o co o sɛvaa o tɔŋ Mɛlɛka-o nin yɛ aa: «Hɔ́ɔ́ tase kɛ́-kɛ̀ velun pɛ vanapɔnɔɔ, le Mɛlɛka kon co ni.»

Fulaa 13:12

la bɛnda mì la yɔngu ndu poaa niaa tasea a cɔlua piaandua tasea niaa kpow. Le Mɛlɛka kan co ni.

Fulaa 13:2

«Poaa tasea a cɔlua piaandua tasea Israɛlla kpow, á bɛnda ma kɛsi nda a diandaa le ya Mɛlɛka. Kani po tase oo po tase vanalanɔɔ velu pɛ, cɔlu piaandu tase oo cɔlu piaandu tase cɔloo kom pɛ, le ya Mɛlɛka kan co ni.»

Tɔŋ lasálàá 27:26

‹Vana-vana nɔ dí mò soli cɔlu piaandu tase ndɔɔ sálà o Mɛlɛka lo le ndu pila le, kani cɔlu piaandu tasoo ndu co nin o mandaa le Mɛlɛka, o va naw tova, o va cuin toovi, o va saa kóndó.

Fulaa 13:15

Kani mɛɛ Faraɔnnɔɔ va baŋnɔnndo kɛɔ le naa malɔɔ kɔlan, mí Mɛlɛka diw poaa tasea a cɔlua piaandua tasea o lɛŋnde Esipte len nin kpow. Lelan naa n sòli cɔlua piaandua tasea sálàá le Mɛlɛka ni, mì n baŋa poaa naa tasea.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Esekiɛl 44:30

Ɲɛm hiow naŋɔɔ o ɲɛm tasen vanin fulaa o ɲɛm niaan nin-ndon, ɲɛ-ɲɛ niaa vanin faŋaa o ɲɛm niaan coo le Mɛlɛka yɔngoo, mun kpow n vanin le vanaa-solia-lasálàá. Vannda bɛnda mà va nda kpeyan hiow naŋɔɔ o kpeyannda ndalan nin-ndo yɔngoo, haliko mi duaa tol o cɛila vanaa kan coo.

Kundalan 18:15

Poaa tasea a cɔlua piaandua tasea Israɛlla yɔngu ya-a, kan vanin le nɔm fasɛi. Kɛ a bɛnda ma tosa mì poaa tasea baŋan, mì cɔlua piaandua tasea co a nɔɔlɛiya Mɛlɛka o hɔl-la bɛɛ a baŋan.

Fulaa 34:19

Poaa tasea niaa kpow, le ya Mɛlɛka nda co ni. Te cɔloo kom pɛ kɔmnde taselen, te cuale piaandulen o kom ni, o va naw, o va saa, le ya o co ni.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Nehemi 10:36

Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.

Kundalan 3:41

Ma yɔngu ya leviia sɔ̀ngɔ́ poaa tasea kan. Ya co Mɛlɛka ni. Cɔlua leviia vanin vɛlɛ le ya Mɛlɛka sɔ̀ngɔ́ cɔlua piaandua tasea Israɛlla kpow.»

Kundalan 18:6

Kani ya pila hɛli puapilɛa niaa, leviia o Israɛlla tɛɛn ni mí sɔaa nda niaa o ba bɛngu, bau ya Mɛlɛka kan yɔngun ni, haliko ma va valta co a cɛi-kola-toandaa-labɔɔŋianndo o kɔɔ lan tosaa.

Kundalan 33:4

Esiptea va poaa ndaa tasea Mɛlɛka diw-va kumbɔɔ. Kani mí Mɛlɛka tuisi halaa Esiptea dɛnɛ palaa coo.