Kundalan 3:10 - BII BILA

¹⁰ Mì nɔm Moise va mɛɛndanndo haliko mi Aarɔn nda poaa ndɔa kínɛí a tosa vali solia lasálàá. Te vana celen, vana fula o yungu Aarɔn-ndo nin too sɔɔnguu pɛ ikɛi, o bɛnda mò sɔla piɔ́mndo.»

Kundalan 3:10 Referans Kwoze

Kundalan 1:51

Te la faŋan pɛ o dɔ́ɔ́ngɔ́ɔ̀ nin, nda bɛnda ni mà puusiaa Calta Mɛlɛka lan. Te la kila pɛ dɔ́ɔ́ngɔ́ celen, nda bɛnda ni mà tondu Calta Mɛlɛka la lan. Te vana celen, vana co leviinɔ loo sɔɔnguu pɛ ikɛi, o sɔla piɔ́mndo.

Kundalan 3:38

Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.

Rɔmnda 12:7

Te vanndo sɔla pɛ vallo le vannda baalaa toallo, ndu tosal vannda baalaa. Vana sɔla pɛ vali pɛɛkaa-o, ndu pɛɛku vannda.

Kundalan 18:7

Nɔm Aarɔn pila a cuavaa nɔmaa imamaa yɛ, la bɛnda mì la tosa vali solia lasálàá a ɲɛ-ɲɛ co a fonda-loamaa-lasálàá o kɔɔ a á ɲɛ-ɲɛ co o kola-landaa kɔɔli o kɔɔ, vali yɔngun niaa-o co kon ni. Vali solia lasálàá ya yɔngu niaa ni. Vana celen sɔɔnguu pɛ ikɛi o sɔla piɔ́mndo.»

Hebreea 8:4

Te o ceendo coo Krista ndóò va ni, ndóò venin bɛɛ vana-solia-lasálà le. Kani vanaa-solia-lasálàá celen co nin, a co ɲɛm-kéan yɔngoo mɛɛ tɔŋ Moise-o co yɛ.

Efɛsea 2:19

Lelan, niaa vanaa co N'Yuifi le-a, la co lɛ n'mial te, la co vɛlɛ vanaa hiavan te, kɛ pilacieaa niaa co nin niaa vanaa diandaa latulu ni, vanaa pilɛa co o Cɛi-Hala-a nin-nda.

Esekiɛl 44:8

Niaa pila lendu hɔlla o vali ni yɔngun niaa a ɲɛm diandan o kɔɔ-o coo le, kɛ mí la cua vanaa súúla celeŋaa kan, mí la handu nda o fonda niaa le vali nuu tosaa o cɛi-kola-toandaa diandaa nuu nin.

Kundalan 18:3

À vanin nɔm o ba bɛngu mà tosa vallo a cɛi-kola-toandaa kon kpow o kɔɔ. Kɛ à bɛnda mà sɔɔnguu o fonda-loamaa-lasálàá a o ɲɛm-laandun solia lasálàn co le cɛi-kola-toandaa diandaa kon-ndon ikɛi le, yɔŋii nda kondu niaa dɛnɛ mì la sɔla piɔ́mndo niaa ndaa vellaa-velle.

Kundalan 16:35

Mí yinnden le fula nɛɛ Mɛlɛka va-a, mí le loam n'van kɛmɛ lediin a beleŋuɛɛnua va ansan lomɔɔ-a.

Fulaa 29:9

O kon, a kanda Aarɔn nda poaa ndɔa kan yáwve o caŋ, a vow nda mɔsilta solia lasálàlan o lebol. Lende n bɛnda ni ma suu Aarɔn nda poaa ndɔa cuɛima diandan, mì vali solia lasálàá va niko vali ndaa le fɛɛn a fɛɛn.

1Dɛnnda lemasalan 6:32

Mahli, Musi, Merari a Levii.

2Samiɛl 6:7

Le hee, mí Mɛlɛka tuulu kɔl a Usa taw, mó lɔaa ndu le dɛnɛ o tosa kon o yiyan too. Mí Usa sɔla piɔ́mndo o kesu kon ikɛi lon.

1Samiɛl 6:19

Mí Mɛlɛka tuisi vannda Bɛt-Siemɛs dɛnɛ palaa coo le tofa nda tofa o kesu kpemaa nin-ndo. Mó diw n'van belaŋɔmmɛw o vanaa vaala beleŋuɛɛnua coo. Mí a lo yoomu-a lo a mɔnɛi le dɛnɛ palaa bɛndu Mɛlɛka tuisi nda kon coo-o.

Tɔŋ lasálàá 22:10

Vana co vana-solia-lasálà loo bɛnda mò de ɲɛm dian diandan nda soli mún sálàá-on te. Hali o va bɛɛ vana niaa yoongu-o, te kon te vana co baalaa tosaa vana-solia-lasálàá o ba le salaa sɔlaa-o, a bɛnda mà de sálà diandaa kon te.

Kundalan 3:11

Mí Mɛlɛka soaa vɛlɛ o Moise lo, mó dimul ndu aa:

Kundalan 16:10

Nɔm Kore a puapilɛa nɔmaa fula haa o polale Levii len nin-nda, Hala cɛl niaa le ndu sɔɔnguuo ikɛi, mí niaa va vali celen yeemaa o vali solia lasálàá kɔɔli.

Masaa kialaa n'yamaa 17:5

Mika kon yɛ, ndóò nɔ cɛi máándo. Mó toosiaa doma ifalen solia lasálàá, mó toosiaa vɛlɛ piɔmaa tongoninnda, mó kɛsi po ndɔɔ pilɛ lon le sálàla ndɔlan solio.

Tɔŋ miingua 18:5

Kani o polama niaan nin, Levii nda poaa ndɔa imamaa Mɛlɛka Hala niaa hɛli ni, haliko ma va vallo tosaa o diola ndɔlan o Cɛi-Diandaa nin le fɛɛn a fɛɛn.

1Masaa 12:31

Mí Yeroboam tangul cɛila máánndan, mó hɛli vanaa fula o polale Levii len nin te-a vannda tɛɛn, mó siinguu nda vanaa-solia-lasálàá.

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›