Kundalan 28:3 - BII BILA

³ Ma dimul nda aa sálàla niaa bɛnda le solio mì la lom ndan o yinnden nin le ya Mɛlɛka lan la co lan ni: lepalaa-lepala saa téndéa nɔ vɔsio pilɛ-a, a nɔ lenamta le-a a ŋiɔn. Le fɛɛn a fɛɛn, la bɛnda mì la va ya sálà kon solullo.

Kundalan 28:3 Referans Kwoze

Tɔŋ lasálàá 6:9

Mì Aarɔn nda poaa ndɔa de ɲɛ tɔ̀ lonin-ndo, mà de ndu nɛɛ diandaa pum, o bɛ́ɛ̀ Cɛi-Diandaa nin. Kɛ a va pɛ ndu toosiaa le dioo, a bɛnda mà vow lɛvɛnndo le.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Daniɛl 8:13

Mí tuɛi vana diandaa sɔɛi, mí vana diandaa celen ɲuna o va sɔɛi-yo aa: «Vɛ̀ɛ̀ kpɛ́ dɛnnda cɔmnun-ndan o vundulen nin-ndan la viaw yɛnin? Háá telen kuɛɛ sálà solin lepalaa-lepala-o lo yɛnin faŋanndo? Háá lɔ́ɔ́ kuɛɛ dɛnɛ vɔɔn bɛndu kon lo yɛnin tosanndo o cɛi-kola-toandaa diandaa nin, mì kunda mɛlɛkaa cɔwva lo nɛwnɔnndo a labɛngu?»

Hebreea 9:6

Nuaa ɲɔɔ va o toosiaa ni kpede. Lepalaa-lepala, vanaa-solia-lasálàá va luɛyɔɔ o fonda tase cɛi-kola-toandaa kalaa nin le vali ndaa tosaa Hala o hɔl.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Kundalan 28:4

Ma soli sálà idiiyo a ò pilɛ, ma soli sálà paale delaa a o pilɔɔ.

Kundalan 28:10

Sálà loamaa paale pɛngiaa kon bɛnda mò cɔɔlu solin o sálà solin lepalaa-lepala-o coo a o sálà ndɔ mamɔiyo coo.»

Kundalan 28:15

Mì la solul-la sálà co le hakio sɔlaa malɔɔ-o a cuin toovio pilɛ, handɔɔ o sálà loamaa solin lepalaa-lepala-o a o sálà mamɔi ndɔɔ coo.»

Kundalan 28:23

Kon kpede handunnin o sálà loamaa solin idii oo idii-o coo ni.

Kundalan 28:24

O palɛi ŋɔmmɛvii ken bɛngu, lepalaa-lepala, la bɛnda mì la va sálàá solio a ɲɛm dian mun, mì la va mun lomɔɔ o yin, cun kon ya Mɛlɛka tuɛi ni mì ɲɔɔ hɛnan ya. Ɲɛm mun co va cɔɔloo handɔnndo o sálà loamaa solin lepalaa-lepala-o a o sálà ndɔ mamɔiyo coo ni.

Kundalan 28:31

Kon kpede cɔɔlunin handɔn o sálà loamaa solìn lepalaa-lepala-o a o sálà ɲɛm vaa ndɔɔ coo ni. Cɔlua niaa hɛlinin kan-nda kpow a bɛnda mà nɔ lenamta le, la bɛnda vɛlɛ mi la handu sálàla mamɔila tiw a nda lan lecoo.»

Kundalan 29:6

Sálàla lan la handunnin o sálà loamaa solin o paangei kandɔɔ-o a o sálà mamɔi ndɔɔ coo ni. Ndu koni handunnin vɛlɛ o sálà solin lepalaa-lepala-o, o kpeyan sálà kon a o sálà ndɔ mamɔiyo coo ni, maa mɛɛ falennde co le dɛnɛ kon yɛ. Sálàla ŋɔa o yin le ya Mɛlɛka lan la co lan ni, la ya tuɛi cun mì ɲɔɔ hɛnan ya lan.»

Kundalan 29:11

Mì la dii vɛlɛ cuin toovio pilɛ le sálà co le hakio sɔlaa malɔɔ-o. Mì sálàla lan la cɔɔlu handɔn o sálà teengen co le hakio sɔlaa malɔɔ-o coo, o nda soli o paale bɛndule malaa lahakilen coo-o, a o sálà loamaa solin lepalaa-lepala-o coo, o dɛɛ ndɔ sálàá coo a o mɔima ndɔma sálàn coo.»

Kundalan 29:16

Mì la dii vɛlɛ cuin toovio pilɛ le sálà co le hakio sɔlaa malɔɔ-o. Kon kpow handunnin o sálà loamaa solin lepalaa-lepala-o coo, o dɛɛ sálà kon coo a o mɔima sálà kon coo ni.

1Dɛnnda lemasalan 16:40

haliko mi ndáà va sálàla loamaalan solio idii a icɔl o fonda-loamaa-lasálàá coo le Mɛlɛka, a le ɲɛ-ɲɛ sɛvan o tɔŋ Mɛlɛka ke Israɛlla-o nin peeloo.

2Dɛnnda lemasalan 8:13

Maa mɛɛ Moise ndóò handu silalan le lepalaa-lepala o palɛi yɛ́-yɛ́i ken nin yɛ, mí Salomɔn va sálàla va le palɛi pɛngiɛi lan, sálàla va le paangun sɛnɛiyon-ndan a sálàla va le kafola bɛndula yɛ́-yɛ́lan ndan solio. Kafola lan la va lan ni: kafo bulu toosian a lɛvɛn too, kafo koavaa a kafo lakùùo.

Ɛsdras 3:5

Kon cuvɔɔ, má soli sálà loamaa solin lepalaa-lepala-o, má soli sálàla paangun sɛnɛilan a sálàla kafola co le Mɛlɛka lan, handɔɔ niko o ɲɛm vana-vana va yɔngoo a yeemɛi ndɔɛi le Mɛlɛka-on coo.

Amɔs 4:4

«La kɔ Betɛl mì la kɔ tosa hakilan! La kɔ vɛlɛ Kilkal mì la kɔ cɔɔlu hakilan tosa. La soli sálàlan idii oo idii, la yɔngu o-tɔ́ndɔ niaa o vɔsi yàándɔɔ coo.

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.