Kundalan 27:3 - BII BILA

³ «O lɛŋnde veselɛilen nin fuɲa naa vi ni, kɛ o ve o kunda Kore simul Mɛlɛka-o nin te. Le tɛɛmbuu ndɔ ndu pilaa o vi ni, kɛ o mɛi hɔ́ɔ́ piaandu le.

Kundalan 27:3 Referans Kwoze

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Kundalan 14:35

Ya Mɛlɛka soo nuaa ni. Lende ya co tosa a vanaa lanila kalua liiman kan kpungbɛi le ya simullo-a ni. A co lo vuo o lɛŋnde veselɛilen-nden nin maa cuu kpow.»

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Nsaŋ 8:24

Lelan ya dimi ni maa la vunin o hakila niaalan nin. Kani te la laalan maa Ya co le, la vi o hakila niaalan nin.»

Nsaŋ 8:21

Mí Yeesu dimul nda vɛlɛ aa: «I co lakɔnnɔn mì la koma nuwviaa ya, mì la vi o haki niaa nin. La nɔla kɔlan nɛɛ ya co kɔlan-nda le.»

Kundalan 26:33

Selofad, po Hefɛr-o ndu vilu hɔ́ɔ́ piaandu le, fɔ hɔ́aa laandua, diola ndalan la co lan ni: Mala, Noa, Hɔkla, Milka a Tirsa.

Kundalan 16:19

Mí Kore cuungiaa sɛ́lɔ́ɔ́ kpow o cɛi-kola-toandaa-labɔɔŋianndo sondoo, mó vow nda sɔɔn nin le Moise nda Aarɔn simullo. Mí biilu Mɛlɛka-o fula dɔ́ɔ́ sɛ́lɔ́ɔ́ kpow o hɔl.

Kundalan 27:2

Má hun o Moise, Eleasar a vanaa bɛndua Israɛlla lo nɛɛ nda va o cɛi-kola-toandaa-labɔɔŋianndo sondoo-a, ma dimi aa:

Kundalan 27:4

Kɛ vɛ̀ɛ̀ le tùú o mɛi po loo mì diola fuɲa naa la ɲum o yungu ndɔɔ coo? Lelan, naa bɛɛ yɔngu naa kɛ lelɛŋndo ó naa mɛɛ n yɔngu puapilɛa fuɲa naa yɛ.»