Kundalan 26:53 - BII BILA

⁵³ «Vanaa sɛvan haa-a lɛŋnden le bɛnda mì le piɔwnun ni, mì lepolaa-lepola le sɔla kɛ́ɔ mɛɛ le nɔ vannda yɛ.

Kundalan 26:53 Referans Kwoze

Yosue 14:1

Ɲɛ Israɛlla sɔla kɛ́ɔ o lɛŋnde Kanaan-nden nin-ndo yɔŋnun hoo ni, ò Eleasar, vana-solia-lasálàá nda Yosue po Nun-ndo a vanaa va bolii lapangɛi o polama yɛ́-yɛ́an nin-nda a piɔw nda tɛɛn-ndo.

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

Condii lisai 105:44

Mó ke nda lɛŋnde vanaa-mangalaa-isɔɔa, má dia vali nda tosa loo tɔnɔ,

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»

Matie 5:5

Dɛnɛ kɛndɔɔ co le vanaa vi kɔltan-nda, kani a sɔlanin lɛŋnden kɛ́ɔ.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Esekiɛl 47:22

La piɔwnin nden o siondei malɔɔ, mì le siŋnun kɛ́ɔ le niaa pila a le mialaa vanin icali niaa tɛɛn-nda, a vialunin cuawva niaa tɛɛn-nda, kan nda vanin le niaa maa cuavaa pilaciee Israɛlla tɛɛn. Siòòndei malnun pɛ, nda bɛɛ a bɛnda mà sɔla kɛ́ɔ niaa ndaa latulu o polama Israɛlla tɛɛn.

Condii lisai 49:14

Tofa vɔ ɲɛ co le vanaa co nda pila tiindanndo-a-o, siɔdii laci vanaa yeema mì vannda yaŋ nda nilan-nda pɛɛn:

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

Kundalan 26:52

Mí Mɛlɛka soaa o Moise lo, mó dimul ndu aa:

Kundalan 26:54

Polale vannda va pɛ nin taw, a yɔngu nda fondaa taw, polale vannda va pɛ nin ɲɛ-pɔmbɔ, a yɔngu nda fondaa tùúlen. Vana-vana bɛnda mò sɔla fondaa mɛɛ o nɔ vannda o yungu ndɔɔ nin yɛ.

Kundalan 33:54

La bɛnda mì la mal siondei le len piɔwvo polama niaan tɛɛn. Mì lepola oo lepola le sɔla lɛŋnden kɛ́ɔ mɛɛ vannda co lenin yɛ, vanaa va pɛ sɛ́lɛ́ a sɔla lɛŋnden taw, a va pɛ ɲɛ-pɔmbɔ, a sɔla lɛŋnden ɲɛ-pɔmbɔ. Mì lepola oo lepola le cɛl ɲɛ le sɔlanin o siondei malɔɔ nin-ndo.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

1Dɛnnda lemasalan 16:18

Mó dimi aa: «I yɔngunin nɔm lɛŋnde Kanaan-nden, kɛ́ niaa vanin kon ni, nɔm a polale nɔmnden!»