Kundalan 26:10 - BII BILA

¹⁰ Mí lɛŋnden le piɔl, mí le mial nda a Kore latulu, paale len koni yinnden le lom kunda ndɔɔ kpow ni, mí vanpiaandua vu kɛmɛ lediin a beleŋuɛɛnu.

Kundalan 26:10 Referans Kwoze

2Piɛr 2:6

Hala yaala kobilan Sodɔm a Komɔr le lan tɛɛmbuuo, mó mingi lan pultan, mí ken va silaa le vanaa hun sinanin Hala le-a,

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Esekiɛl 14:8

I cɔlɔbanin vana kon, mò siŋnun tɔɔmaseloo, mì vannda dimi taloo a ndu. I faŋanin vana kon vanaa nia tɛɛn few-few. O kon niaa sinanin ni maa ya co Mɛlɛka ni.

Yeremi 29:22

Vanaa kɛ́-kɛ̀ nda bii Yuda, má kɔa a nda o biyɔɔ nin Babilɔn, a vanin diola vanaa ŋiɔŋaa kan piɔlɔɔ le mɛnanndo aa: «Màá Mɛlɛka tosal nɔm mɛɛ o tosa a Sedekia a á Akab yɛ, vanaa masaa Babilɔn tuɛi o yin-nda pɛɛn!»

1Samiɛl 2:34

A canin tɔɔmasele sɔɔn mun a ɲɛ yɔŋnunnin poaa nɔmaa ŋiɔnda-o, Hɔfni nda Pineas pɛɛn. Nda ŋiɔn kpow, a sɔlanin piɔ́mndo o paale pilɛ len nin.

Kundalan 16:2

le Moise simullo. Mó cua vɛlɛ Israɛlaa celen kɛmɛ lediin a beleŋuɛɛnu, bolii lapangɛi a vanaa ndáà ke bɛɛlen o kafolan coo-a vanaa kan va ni, vanaa tɔ́ɔ́-a nda va ni.

Kundalan 27:3

«O lɛŋnde veselɛilen nin fuɲa naa vi ni, kɛ o ve o kunda Kore simul Mɛlɛka-o nin te. Le tɛɛmbuu ndɔ ndu pilaa o vi ni, kɛ o mɛi hɔ́ɔ́ piaandu le.

Fulaa 16:35

O vɔsilan belehiɔɔlu bɛngu Israɛlla de manne ni. A lo ndu dioo háá má tiiya o pɛɛngulan a lɛŋnde Kanaan-nden.

Tɔŋ miingua 11:6

La sina mɛɛ o tosa a Datan nda Abiram yɛ, poaa Eliab-a, fulaa o polale Rubɛn-nden coo, mí lɛŋnden le tɛnda nda o labɛngunin, mí le mial nda a yungula ndalan, cɛila-kolala-toandaala ndalan a vanaa va o dúmbú pilɛ kon coo Israɛlla tɛɛn-nda kpow.

Tɔŋ miingua 28:46

Lan la vanin kanalanndo le niaa a le cuavaa niaa imamaa le fɛɛn a fɛɛn ni.

Kundalan 17:3

Ma cua bonyun fuusan vanaa cua haa hakio má sɔla piɔ́mndo-a-on, ma lɔɔ mun a káángoo, ma toosiaa ciliŋun bɔɔpɔn, ma kumbu fonda-loamaa-lasálàá a mun. Kani a cii mun Mɛlɛka cɔm mí n siŋnun teengen le vali ndɔɔ. Mun vanin tɔɔmaseloo le Israɛlla kanalanndo ni.»