Kundalan 24:8 - BII BILA

⁸ Mɛɛ Hala soli nda Esipte a kpaayaa maa kpaaya cìí, má kei vanaa simul nda-a diw, má yimi nda paalan, má cɛɛluu nda a kɔɔn.

Kundalan 24:8 Referans Kwoze

Condii lisai 45:5

A naŋɔɔ nɔmndo, hel ma piasa o ɲɛ ɲaandan nɔm cɔlua nan-ndo coo. Hel lecoo le toɲaa, le vanakɛndɛyɛi a le dɛnɛ sandaa! Kindu yoole kpaasiaa nɔmndo, Kpaasiaa kon viam ba nɔm kɛndɔɔ dɛnnda tuw-tuwlan tosaa ni.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Kundalan 23:24

Vannda ha, vana ce nda pɛ cɔnɔnndo aa yàlàá ni, vana ce nda pɛ huuloo aa yàlà co ɲɛdiaa nuwviaa-o ni. O hínì le fɔ mò de ɲɛ o co mɛngɛlaa-o, mò kol kooma visia o bii-a.»

Kundalan 23:22

Mɛlɛka soli nda Esipte ni, mɛɛ cìíyo nɔ yoomuan nuaa yɛ nda nɔ kpaayaa ni.

Kundalan 14:9

Kɛ nduyɛ, la simul Mɛlɛka le. La yɔŋ vɛlɛ siòònde a vanaa co o lɛŋnde len nin-nda le. N co lakɔ nda miɔɔnɔn maa dɔɔma, kani a co lɛ o levundu bɛngu le, vundule va nda kandaa len le faŋan nda coo, naa yɛ Mɛlɛka co naa ikɛi. La vo nda le few.»

Yeremi 50:9

Kani i co lɛŋnde mɔɔsiaa sɛ́lɛ́ bɛndoo, mì toolu ndi le Babilɔn kuello a cɔwvo. A ba luaŋ-ndo nda fulanin ni, mà hun simul ndu, mà bii ndu. Maa kuubanɔ caa cɔwvo taw-vo bálta ndalan la co ni, la bindu le.

Esai 38:13

Tuma pá mì paalen le sɛ, i co lo koŋullo mì siŋnun ɲɛ fondoo, kandɔɔ ipalaa háá icɔllo o co cii a ya!

Daniɛl 6:24

O kon, mí masaa naŋ kɔl taw. Mó dimi le Daniɛl solio o soon yàlàá nin. Mɛɛ nda soli ndu, má mɛɛndian ndu, kɛ hali ɲasɔɔ a ci ndu lekɔɔ le, kani ndóò handu Hala ndɔɔ laalanndo coo.

Condii lisai 21:12

Hali a yeema bɛɛ le nɔm dɛnɛ vɔɔndo tosallo, mà tuu tuula vɔɔnndan le nɔm cɔlɔbaa, a nɔlanin nɔm te.

Tɔŋ miingua 32:42

Mɔɛi nii cɔwve sɛɛsiaanin dialun ndan, i lɔngɔliaanin kɔɔn nun o kooma ndan nin. I cuuŋuunin kooma bolii simlacia yaamɔaa nia, kooma vanaa yɔŋulunnin-nda a kooma vanaa vanin o biyɔɔ nin-nda.

Tɔŋ miingua 32:23

I tuisinin dɛnnda palaalan taw-taw nda coo. I vuunin nda a kɔɔn nun kpow, mí n cuu.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Matie 2:15

Mó kɔ lo lon háá mí Herɔde vu. Ken tosan haliko mi o Mɛlɛka ndóò dimi a sondo vana-tɛɛngaa-diom Hala-o-o ndóò peelun aa: «Mí veelu po nuu, mó faŋan Esipte.»

Yosue 2:10

Kani n tuei mɛɛ Mɛlɛka veesiaa mɛmma ihɛlma makpɛ̀ndɛ̀an niaa laci lɔ́ɔ́ niaa va fulaa Esipte-o yɛ, n tuei vɛlɛ ɲɛ niaa tosa a masaa ŋiɔŋaa Amoriaa va Yurdɛn leeloo-a-o, Sihon nda Ɔk pɛɛn, a niaa tɛɛmbuu-a.

Fulaa 23:22

Kɛ te la bii pɛ sɔɛi ndɔɛi ɲɛkɛndɛi, mì la tosa sɔɔn ya dimul niaa le tosaa-on kpede, i siŋnunnin yaamɔɔ vanaa co niaa yaamɔɔlen tosallo-a, mì simul vanaa simulnin niaa-a.

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.