Kundalan 24:7 - BII BILA

⁷ Ì mɛnndan ma co piɔu o fɛngɛla ndɔlan nin mì ma coŋ-nde, i kulun ndɔn tɔlnun o ciɛi co pɔɔlianndo-e nin-nde. Masa ndaa hiow masaa Akak yoomuan, masale ndalen le sɔlanin kpaayaa taw.

Kundalan 24:7 Referans Kwoze

1Dɛnnda lemasalan 14:2

O kon mí David sina dɔ́ɔ́ ma le kaola Mɛlɛka pila kaola Israɛlla-o o suili ndu masaa, mó soli masale ndɔlen tɔ́ɔ́ ni.

2Samiɛl 5:12

O kon mí David sina maa Mɛlɛka pila kɛsi ndu masaa Israɛlla coo ni, a vɛlɛ maa le Israɛlaa, vanaa ndɔa, masale ndɔlen léè va tɔ́ɔ́ fulaa ni.

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

Yeremi 51:13

Nɔm Babilɔn co o mɛmma bɛnduan kɔngɔ-o, nɔm nɔ hoo bolofaa taw-vo, i nɔmnde cuu, delɔɔ coo nɔmndo mɛɛlu.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Condii lisai 68:26

Vanaa solia n'condua co kɔlan nda laci, Felengia laandua nda co kɔlan tɛɛn a dundulan lɔɔ, mì vanaa ɲɛ-caa nda va nda kɔɔli.

Condii lisai 18:43

I co nda ciimiaa mɛɛ cundu hoeiye kɔandu-o co nuaa yɛ, i co nda nɛwvo mɛɛ vana nɛw loolio o nɛi nuaa yɛ.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

Kundalan 24:20

Mɛɛ Balaam ce Amalɛkea, mó dimi aa: «Amalɛkea va vanaa-mangalaa-isɔɔa tɔ̀a kpow bollen ni, kɛ yɛyii ndɛi cuu itambu mí i ɲum.»

Condii lisai 89:27

O veelunin ya mò dimi aa: Nɔm co fuɲa nuu ni, Hala nuu, pow kpova co vana ciindiaa nuu-o.

1Masaa 5:1

Salomɔn va vɛlɛ masalen tosaa o masɛi yɛ́-yɛ́i va kandɔɔ o pee bɛndoo Efrate-e coo, keiyo a lɛŋnde Filistia, kɔlan tiiyaa háá o pɛɛngulan a lɛŋnde Esipte len. Háá mó vu, vanaa kan va muloo malɔɔ ndu o ba, a va vɛlɛ ndu baalaa tosallo.

Ɛstɛr 3:1

Dɛnnda lan hiovɔɔ, mí masaa Sɛrsɛs ca Haman po Hammedata fula o polale Akak len nin-ndo ɲia. Mó siinguu ndu bolle simlacia va ndu o ba bɛngu-a kpow.

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Esai 30:25

O paale diuvaa n'vanndacieele bɛndulen coo, paale cɛila coocoola vilɛilan la koombiaanin-nden, peelan la vanin a mɛnndan taw o pembun bɛndon a o pembun pɔmbɔn coo.