Kundalan 24:5 - BII BILA

⁵ Cɛila-kolala-toandaala niaalan la naŋ bɔɔ, niaa fula haa Yakɔb o ipulu-a. Calta niaalan la naŋ bɔɔ, niaa polale Israɛl-ten.

Kundalan 24:5 Referans Kwoze

Kundalan 24:4

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.

Kundalan 24:6

Calta niaalan la kɔɛnnun kɛ́-kɛ̀ maa ladɛɛla. Vana ca lan ko aa nakɔla tɔlnun o peo kɔngɔ lan ni. Vana ce pɛ aa yɔmii aloɛs Mɛlɛka tɔl-le ni. Vana ca ko aa yɔmii sɛɛdrei co hindɔɔ o mɛnndan kɔngɔ-e ni.

Fulaa 38:21

Ɲɛ-sɔlaa luɛi o Calta Mɛlɛka lan tangullo nin-ndo yɔŋnun hoo ni, Calta Mɛlɛka la powta yɛ́ndɛ́la kpema diandaa la va nin-ndan pɛɛn, ɲɛ-sɔlaa Moise dimul polale Levii len le cɔmndo-o. Itamar, po Aarɔn-ndo sim nda laci le bolofaa kon cɔmndo ni.

Tɔŋ lasálàá 23:42

Niaa pilacieea Israɛl, la bɛnda mì la va o kùùlan bɛngu háá mì palɛi ŋɔmmɛvii ken i cuu,

Kundalan 2:34

Mí Israɛlla tosa ɲɛ-ɲɛ Mɛlɛka dimul Moise mó tɛɛngul nda ndu. Má kila fondala ndalan o lɛfɛla landaala ndalan bɛngu, má va kɔlan a yungulan, a kundala n'vanayalan.

Kundalan 24:2

Mɛɛ o tofa, mó ca Israɛlla icali a kundalan o dɔ́ɔ́ngɔ́ɔ̀ nin. O kon, mí Kɔl Hala-o toal ndu coo.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Yosue 24:10

Kɛ, i yeŋ Balaam lani le, mó muungu nda duaa dɔvɔɔ. Nuaa ya soli niaa Balak o ba ni.

Nehemi 13:2

Kani a bii sindɛ Israɛlla le, a ke nda ɲɛdiaa le, a ke nda mamɛm le kolɔɔ le. Mí Moabua hiaw Balaam kɔɔli, má ke ndu volion le Israɛlla dangaa dɔvɔɔ, kɛ mí Hala naa mangala danga kalaa duaa.

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

Condii kɛndɛ-kɛndɛi 4:7

Caan ni laandoo, a naŋ bɔɔ! A nɔ lenamta o dialun nɔmndon nin te.

Condii kɛndɛ-kɛndɛi 6:4

Caan ni laandoo sei, a naŋ bɔɔ, a naŋ bɔɔ maa kobio Tirsa. A connun o kɛndɛ válán maa Yerusalɛm, kɛ a vueinun bɔɔ maa vanaa cɔw.

Malasi 2:12

Mɛlɛka sɛinin vana co dɛnɛ kon tosaa-o. Vana-vana fula vɛlɛ pɛ o yungu Yakɔb-o nin, mò soo le vana kon, te kon te le Mɛlɛka-Nɔ-Kpaayaa-Kpow-vo sálàá solullo le ndu, vana kon bɛɛ, Mɛlɛka sɛinin ndu mò soli ndu caanda tɛɛn.