4 Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.
Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.
Mɛɛ ninginangaa fula o yumbuyumboo coo a paale piɔɔlen nuaa yɛ, lende ɲɛ-tengaa ndóò kilan yɛwve ndu balɔɔ sɔ́-o va ni. Biilu Mɛlɛka-o ndóò cɔmnun kon lende kpendekele ni. Mɛɛ ya ce ɲɛ kon, mí del lɛŋ, mí kuumbuu hɔlla lɛŋ. O kon, mí tuɛi diom vanacieo sɔɛi o ya lo.
Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.
Mí ndu bɛɛ solin volɔɔlan lekɔɔ maa caanda, mó muungu diom Hala-o tɛɛnguuo Samiɛl o hɔl. Mó del lɛŋ kɔɔle fondo, mó niinu ihini lon kpɛŋ, mó lɔl vɛlɛ pii. Lelan vannda dimì ni aa: «Mò va maa vana-tɛɛngaa-diom Hala-o Saul bɛɛ siŋnun ni?»
Icɔllo, mí Hala hun o Balaam ndo, mó dimul ndu aa: «Te le kɔlan niaa ndaa latulu vannda ha hin nɔm kɔɔli ni, mɛɛ cɔn mì la kɔɛ niaa ndaa. Kɛ nduyɛ, ɲɛ ya dimulnin nɔm-ndo daama n bɛnda ma tosa ni.»
O kon, mí Misee mulul ndu aa: «I ce Israɛlla kpow a sɛŋiannda o pembon coo maa saa nɔ vana mandaa le-a. Nduyɛ Mɛlɛka dimi aa: ‹Vannda ha nɔ lɛ simlacinɔ le, lelan, vana-vana muungun o ndu lo a kɔlɲuloo.›»