Kundalan 23:5 - BII BILA

⁵ O kon mí Mɛlɛka cɔm Balaam mɛɛ o bɛnda le sɔɛi yɛ, mó dimul ndu aa: «Muungu Balak o ibuŋ ma kɔ tɛɛngul ndu sɔɛi he.»

Kundalan 23:5 Referans Kwoze

Yeremi 1:9

O kon mí Mɛlɛka siɛndi baa, mó pilan ya sondoo, mó dimul-la aa: «Tofa vɔ, i vow sɔɔn nun nɔm o sondo.

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Esai 51:16

I vow sɔɔn nun nɔm o sondo, mí kuumbuu nɔm a vunduma ba nuu, telen ya va halataalaa tondɔɔ-o, telen ya va lɛŋnden kilaa-o a telen ya va Siɔn dimullo aa: «Vanaa niaa niaa co ni-o.»

Kundalan 23:16

Mí Mɛlɛka cɔmnun Balaam, mó vow ndu sɔɔn o bɛnda le dimio-on o sondo, mó handu lecoo aa: «Muungu Balak o ibuŋ ma kɔ soo o ndu lo mɛɛ ya dimul nɔm yɛ.»

Nsaŋ 11:51

Nduyɛ, o ve o ndu pila nin te ndóò dimi sɔɛi ken te, kɛ le tùú o va vɔsi kon bolle vanaa-solia-lasálàá-o, mó dimi sɔɛi ndíì hun tosannin o siɔdii lacio nin-nde, maa Yeesu ndóò bɛnda mì ndóò sɔla piɔ́mndo le lɛŋnden.

Luke 12:12

kani Hala Kɔl-Diandaa cɔmnin niaa o niaa bɛnda le dimio-o o telen kon kpafii.»

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Talelan 16:1

Vanndacieea nɔ tuulan, kɛ Mɛlɛka nɔ sɔɛi mɛɛlɛi o ba ni.

Kundalan 22:35

Mí mɛlɛkanɔ Hala-o dimul ndu aa: «Kɔ niaa vannda ha, kɛ sɔɔn ya dimulnin nɔm-ndon kínɛí n bɛnda ma dimi ni.» Mí Balaam kɔa nda simlacia Balak vem kan-nda.

Kundalan 22:20

Icɔllo, mí Hala hun o Balaam ndo, mó dimul ndu aa: «Te le kɔlan niaa ndaa latulu vannda ha hin nɔm kɔɔli ni, mɛɛ cɔn mì la kɔɛ niaa ndaa. Kɛ nduyɛ, ɲɛ ya dimulnin nɔm-ndo daama n bɛnda ma tosa ni.»

Fulaa 4:15

O kon, a soo o ndu lo, a cɔm ndu sɔɛi-sɔɛi o bɛnda le dimio. Telen niaa vanin kon sɔɛi-yo, ya pila vanin niaa ikɛi, mì cɔm niaa ɲɛ niaa bɛnda le tosaa-o.

Kundalan 23:4

Mí Hala cɔmnun ndu lon. Mí Balaam dimul ndu aa: «I toosiaa fondala-loamaa-lasálàlan tan ŋɔmmɛw, mí loam naw tovaa o pilɛ a saa kóndóó o pilɛ o ò kɛ́-kɛ̀ coo.»

Kundalan 23:6

Mí Balaam muungu nɛɛ Balak va-a, mó komal ndu isisi o sálà loamaa ndɔɔ ikɛi nda simlacia Moab kpow.