Kundalan 23:3 - BII BILA

³ Mí Balaam dimul Balak aa: «Lo o sálà loamaa nɔmndo ikɛi nanu mì yifan-ndɔ tiŋ. Bɔɔle mì Mɛlɛka cɔmnun ya. O soo pɛ o ya lo, i hun cɔm nɔm ɲɛ o dimulnin ya le tosaa-o.» Mó kɔa o pembei bollen.

Kundalan 23:3 Referans Kwoze

Kundalan 23:15

Mí Balaam dimul Balak aa: «Lo isisi o sálà loamaa nɔmndo ikɛi nanu mì kɔ cum yoongoo pum o nda.»

Kundalan 24:1

Mɛɛ Balaam sina maa o naŋ Mɛlɛka o hɔl le Israɛlla duaa dɔvɔɔ, o kue lɛ Hala ɲuna celen maa o tasendɔ le. Kɛ mó mulin a ba lɛŋnde veselɛilen.

Tɔŋ lasálàá 1:1

Paale pilɛ, mí Mɛlɛka veelu Moise o cɛi-kola-toandaa-labɔɔŋianndo nin, mó dimul ndu aa:

O Kandɔɔ 22:13

Mɛɛ Abraham heelu hɔlla, mó ca saa kóndóó. Leela ndɔlan la va lakayakayanndan o bɔɔ nin. Mó bii ndu, mó solul Hala ndu sálà loamaa o fonda Isaak po ndɔ-o.

O Kandɔɔ 22:2

Mí Hala dimul ndu aa: «Cuá po nɔmndo, po nɔm pilɛ n kaola kon taw-taw-vo, Isaak pɛɛn, mà kɔɛ a ndu o lɛŋnde Moria len nin. La tiiya pɛ lon, a soli ndu sálà loamaa le ya o pembii ya cɔmnin nɔm-nde coo.»

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Fulaa 18:12

Mɛɛ Yetro cii Hala sangala lende, mó solul ndu sálà loamaa a sálàla celen. Mí Aarɔn a kaasoŋaa kɔlkalua o Israɛlla tɛɛn kpow a dia ɲɛdiaa diandaa kon Hala o hɔl nda lefoo Moise-aa latulu.

Matie 4:8

Mí masa ɲinaa vɔɔnda kɔa vɛlɛ a ndu o pembii bɛndu-bɛnduei pum tullo, mó cɔm ndu masɛi co o ceendo coo-e a biilu ndɔɔ kpow,

Kundalan 23:2

Mí Balak tosa ɲɛ Balaam dimul ndu-o. Nda ŋiɔn kpow, má soli cɔlua kan sálà: o fonda-loamaa-lasálà oo fonda-loamaa-lasálà coo, nawvo o pilɛ a saa kóndóó o pilɛ.

Kundalan 23:4

Mí Hala cɔmnun ndu lon. Mí Balaam dimul ndu aa: «I toosiaa fondala-loamaa-lasálàlan tan ŋɔmmɛw, mí loam naw tovaa o pilɛ a saa kóndóó o pilɛ o ò kɛ́-kɛ̀ coo.»

Kundalan 23:12

Mí Balaam mulul ndu aa: «Bàà mi dimi sɔɛi celen o sɔɔn Mɛlɛka sɔɔ ya o sondo-on kɔɔli?»

Kundalan 23:26

Mí Balaam mulul ndu aa: «Kɛ i dimul nɔm maa ɲɛ Mɛlɛka dimulnin ya le tosaa-o ya tosanin ni.»

Yosue 24:10

Kɛ, i yeŋ Balaam lani le, mó muungu nda duaa dɔvɔɔ. Nuaa ya soli niaa Balak o ba ni.